അമ്പലവയല്‍: ഫാസിസം സമൂഹത്തിന്റെ ആഹാരവും വേഷവുമൊക്കെ തീരുമാനിക്കുന്ന രീതിയില്‍ ജീവിതത്തിന്റെ മുഴുവന്‍ മേഖലകളിലും കടന്നുകയറി സൈ്വര്യജീവിതം ചോദ്യം ചെയ്യപ്പെട്ട് കൊണ്ടിരിക്കുന്ന വര്‍ത്തമാന സാഹചര്യമാണ് ഇന്ന് രാജ്യത്തുള്ളതെന്നും ഇത്തരം ദുഷ്ടശക്തികള്‍ക്ക് ഓശാന പാടുന്ന സമീപനമാണ് ഭരണകൂടം സ്വീകരിക്കുന്നതെന്നും എസ്.വൈ.എസ് അമ്പലവയല്‍ മേഖലാ തദ്കിറ സംഗമം അഭിപ്രായപ്പെട്ടു.
ജില്ലാ പ്രസിഡന്റ് ഇബ്‌റാഹിം ഫൈസി പേരാല്‍ ഉദ്ഘാടനം ചെയ്തു. ഉമര്‍ നിസാമി അധ്യക്ഷനായി. ഹാരിസ് ബാഖവി കമ്പളക്കാട് വിഷയാവതരണം നടത്തി. ശംസുദ്ദീന്‍ റഹ്മാനി, സി.പി മുഹമ്മദ് കുട്ടി ഫൈസി, ഹംസ ഫൈസി, ഉമര്‍ഹാജി, ഇബ്‌റാഹിം ദാരിമി, കണക്കയില്‍ മുഹമ്മദ് ഹാജി സംസാരിച്ചു. അബ്ദുല്‍ അസീസ് ആണ്ടൂര്‍ സ്വാഗതവും മൊയ്തീന്‍ ഹാജി നന്ദിയും പറഞ്ഞു.