പാലക്കാട്:  സമൂഹത്തില്‍  പാവപ്പെട്ട നിര്‍ധരരും നിരാശ്രരരുമായ കുടുംബത്തിലെ പാവപ്പെട്ട യുവതികളുടെ മംഗല്ല്യത്തിന് സ്വപ്നച്ചാര്‍ത്തായി പ്രദേശവാസികള്‍ കനിവ് എന്ന സാധു സംരംക്ഷണ സമിതി രൂപീകരിച്ചിരിച്ചു.
        പാലക്കാട് പിരായിരി പള്ളിക്കുളം മഹല്ല് എസ് വൈ.എസ്, എസ്.കെ.എസ്.എസ്.എഫ് എന്നീ സംയംക്ത കമ്മിറ്റികളുടെ  ആഭിമുഖ്യത്തിലാണ് കനിവ്  എന്ന ആതുരസംഘടന രൂപീകരിച്ചിരുക്കുന്നത്. ഇതിന്റെ ആദ്യ ഘട്ടമെന്ന നിലക്ക്  അഞ്ച് പെണ്‍കുട്ടികളുടെ വിവാഹം നടത്താനാണ് സാധു സംരംക്ഷണ ഭാരവാഹികളുടെ തീരുമാനം.
         ഫണ്ട് സ്വരൂപണത്തിനായി മഹല്ലിനകത്തും പുറത്തുമുള്ള ഉദാരമതികളുടെ പക്കല്‍  നിന്നുള്ള സഹായമാണ്  ഇവര്‍ക്കുള്ള മൂലധനം. കൂടാതെ എല്ലാ മാസവും നടത്തുന്ന മജ്‌ലിസുന്നൂറില്‍ നിന്നുള്ള വരുമാനവും ഇവര്‍ക്കുണ്ട്. അത് കൊണ്ട് തന്നെ മഹല്ലിനകത്ത് സാമ്പത്തികമായി പിന്നോക്കം പോയതിന്റെ പേരില്‍  കല്ല്യാണ പ്രായം എത്തിയിട്ടും വിവാഹം കഴിയാത്ത പെണ്‍കുട്ടികളുടെ മംഗല്ല്യങ്ങള്‍ക്കാണ് സാധു സംരംക്ഷണ സമിതി ഊന്നല്‍  നല്‍കുന്നത്.
       പൗര പ്രമുഖര്‍  ഉള്‍പ്പെടുന്ന ഒരു കമ്മിറ്റി ഇതിനായി രൂപീകരിച്ചു. മഹല്ല് ഖത്തീബ് ഹംസ ദാരിമി, ബി അബ്ദുല്ല, എം.എച്ച് ജലീല്‍, പി.എസ് റഫീഖ്, എ മുത്തലിഫ്(മുഖ്യ രക്ഷാധികാരികള്‍), ഒളിംമ്പിക് ശഫീഖ്(ചെയര്‍മാന്‍), എം.എച്ച്  മുജീബ്, അന്‍സാര്‍(വൈസ് ചെയര്‍മാന്‍), എന്‍ .വി നസീര്‍ (കണ്‍വീനര്‍), നൗഷാദ് (കെ.എസ്.ഇ.ബി), അബ്ദുറഹ്മാന്‍  എന്ന ബാബു(ജോ.കണ്‍), കെ.എ ഉമ്മര്‍, കെ ബഷീര്‍, എം റഷീദ്, എ ഹംസപ്പ(വര്‍ക്കിംഗ് മെമ്പേഴ്‌സ്), താജുദ്ദീന്‍  സിദ്ദീഖി, ഫാസില്‍  പള്ളിക്കുളം, അബ്ദുല്ല കരിപ്പമണ്ണ (കോര്‍ഡിനേറ്റേഴ്‌സ്) എന്നിവരെ തെരെഞ്ഞെടുത്തു.