കണിയാപുരം: പ്രമുഖ പണ്ഡിതനും കാസര്‍കോഡ് ഖാസിയുമായിരുന്ന ചെമ്പരിക്ക അബ്ദുല്ല മുസ് ലിയാരുടെ വധം പുനരന്വേഷിക്കണമെന്ന് ത്വലബ വിങ് തിരുവനന്തപുരം ജില്ലാ സംഗമം ആവശ്യപ്പെട്ടു.
കണിയാപുരം വാഫി അല്‍ ഉലൂമില്‍ സംഘടിപ്പിച്ച ജില്ല ത്വലബ സംഗമം സമസ്ത ജില്ലാ ജനറല്‍ സെക്രട്ടറി കെ.എച്ച്.നസീര്‍ഖാന്‍ ഫൈസി ഉദ്ഘാടനം നിര്‍വഹിച്ചു. ജില്ലാ ചെയര്‍മാന്‍ മുഹമ്മദ് ജുറൈജ് മുസ്‌ലിയാരുടെ അധ്യക്ഷതയില്‍ ചേര്‍ന്ന സംഗമത്തില്‍ അസ്‌ലമി അസോസിയേഷന്‍ സംസ്ഥനാ ട്രഷറര്‍ അബ്ബാസ് അസ്‌ലമി, ഷാനവാസ് മാസ്റ്റര്‍ കണിയാപുരം, അംജദ് പാച്ചിറ, ഷെഫീഖ് മുസ്‌ലിയാര്‍ കല്ലമ്പലം, അല്‍ത്താഫ് ചിറയിന്‍കീഴ്, സൈദ് മുഹമ്മദ്, ജുബൈര്‍ വള്ളക്കടവ്, ജാബിര്‍ വെമ്പായം, ജാസിം നെടുമങ്ങാട്, തന്‍സീല്‍ പള്ളിനട തുടങ്ങിയവര്‍ സംസാരിച്ചു.