എളേറ്റില്‍: ലോക സംഗീത ദിനത്തില്‍ എളേറ്റില്‍ ജി.എം.യു.പി.സ്‌കൂളില്‍ സംഗീതോപകരണങ്ങളുടെ പ്രദര്‍ശനവും അവതരണവും നടത്തി. പഞ്ചവാദ്യം അവതരണം കുട്ടികള്‍ക്ക് പുതിയ അനുഭവമായി.
വിദ്യാലയത്തിലെ സംഗീതാധ്യാപകനായ ശ്രീ.പി.സി.നാരായണന്റെ നേതൃത്വത്തില്‍ കലാമണ്ഡലം സനൂപ്, ശ്യാംകുമാര്‍ ഇയ്യാട്, ഷിജു മങ്ങാട്, ആര്‍.കിരകുമാര്‍ തുടങ്ങിയവര്‍ ഉപകരണങ്ങള്‍ കൈകാര്യം ചെയ്തു.
പരിപാടികള്‍ എസ്.എസ്.എ കോഴിക്കോട് ജില്ലാ പ്രോജക്ട് ഓഫിസര്‍ കെ.വത്സന്‍ ഉദ്ഘാടനം ചെയ്തു. എസ്.എസ്.എ ജില്ലാ പ്രോഗ്രാം ഓഫിസര്‍ സുനില്‍ കുമാര്‍, ഹെഡ്മാസ്റ്റര്‍ എം.അബ്ദുല്‍ ഷുക്കൂര്‍. സ്റ്റാഫ് സെക്രട്ടറി ഒ.പി.അഹമ്മദ് കോയ തുടങ്ങിയവര്‍ സംസാരിച്ചു.