ദേശീയ ടെന്നീസ് താരം രാധിക യാദവിനെ പിതാവ് ദീപക് യാദവ് വെടിവച്ചു കൊലപ്പെടുത്തിയ സംഭവത്തിന്റെ കാരണം കണ്ടെത്തിയതായി പൊലിസ്. രാധികയുടെ ടെന്നീസ് അക്കാദമി അടച്ചുപൂട്ടാൻ പലതവണ ദീപക് ആവശ്യപ്പെട്ടെങ്കിലും അവൾ വിസമ്മതിച്ചു. ഇതിൽ  ദീപക് അസ്വസ്ഥനായിരുന്നുവെന്ന് എഫ്‌ഐആറിൽ പറയുന്നു.
  
മകളുടെ വരുമാനം കൊണ്ടാണ് താൻ ജീവിക്കുന്നതെന്ന് ഗ്രാമവാസികൾ പരിഹസിക്കുന്നത് കേട്ട് താൻ അസ്വസ്ഥനായെന്നും അവളുടെ സ്വഭാവത്തെ ആളുകൾ ചോദ്യം ചെയ്യുന്നത് പോലും കേട്ടിട്ടുണ്ടെന്നും ദീപക് പൊലിസിനോട് സമ്മതിച്ചു. 

"അപമാനവും" സമ്മർദ്ദവും നേരിടാനാവാതെ വന്നപ്പോഴാണ് താൻ ലൈസൻസുള്ള റിവോൾവർ ഉപയോ​ഗിച്ച് മകൾ അടുക്കളയിലായിരിക്കുമ്പോൾ പിന്നിൽ നിന്ന് വെടിയുതിർത്തതെന്ന് ദീപക് പൊലിസിനോട് പറഞ്ഞു.

ALSO READ: ഒരു ഇസ്‌റാഈലി സൈനികനെ കൂടി വധിച്ച് ഹമാസ്; കൊല്ലപ്പെട്ടത് മിന്നലാക്രമണത്തില്‍ ബന്ദിയാക്കാന്‍ ശ്രമിക്കുന്നതിനിടെ

ഇന്നലെ രാവിലെ 10:30-നായിരുന്നു രാധിക യാദവിനെ പിതാവ് വെടിവെച്ച് കൊലപ്പെടുത്തിയത്. വീടിന്റെ ഒന്നാം നിലയിലെ അടുക്കളയിൽ ഭക്ഷണം തയ്യാറാക്കിക്കൊണ്ടിരിക്കുമ്പോഴായിരുന്നു സംഭവം. പിതാവ് ദീപക് യാദവ് തന്റെ ലൈസൻസുള്ള റിവോൾവർ ഉപയോഗിച്ച് രാധികക്ക് നേരെ അഞ്ച് തവണ വെടിയുതിർത്തു. ഇതിൽ മൂന്ന് വെടിയുണ്ടകൾ രാധികയുടെ ശരീരത്തിൽ പതിച്ചു. വെടിവെപ്പിന്റെ ശബ്ദം കേട്ടെത്തിയവർ രാധികയെ ഉടൻ സ്വകാര്യ ആശുപത്രിയിൽ എത്തിച്ചെങ്കിലും, ഗുരുതരമായി പരുക്കേറ്റ രാധിക ചികിത്സയ്ക്കിടെ മരണത്തിന് കീഴടങ്ങി.

വിരലടയാള വിദഗ്ധരെത്തി സംഭവ സ്ഥലവും, പ്രതി കൃത്യം നടത്തിയ റിവോൾവറും പരിശോധിച്ചു. ഭാരതീയ ന്യായ സംഹിത (ബിഎൻഎസ്) സെക്ഷൻ 103(1) പ്രകാരവും ആയുധ നിയമത്തിലെ പ്രസക്തമായ വകുപ്പുകൾ പ്രകാരവും കേസ് രജിസ്റ്റർ ചെയ്തിട്ടുണ്ട്.

സംസ്ഥാന തലത്തിൽ നിരവധി ടെന്നീസ് മത്സരങ്ങളിൽ പങ്കെടുത്ത് മെഡലുകൾ നേടിയ രാധിക, ഹരിയാന ടെന്നീസ് സർക്യൂട്ടിൽ അറിയപ്പെടുന്ന താരമായിരുന്നു. അന്താരാഷ്ട്ര ടെന്നീസ് ഫെഡറേഷൻ (ITF) ഡബിൾസ് റാങ്കിംഗിൽ 113-ാം സ്ഥാനത്തായിരുന്നു അവർ. എന്നാൽ, ഒരു മത്സരത്തിനിടെ തോളിന് പരിക്കേറ്റതിനെത്തുടർന്ന്, കളി നിർത്തി ഒരു ടെന്നീസ് അക്കാദമി ആരംഭിച്ചു, അവിടെ മറ്റ് കളിക്കാർക്ക് പരിശീലനം നൽകി വരികയായിരുന്നു.

Radhika Yadav, a 25-year-old national-level tennis player, was shot dead by her father, Deepak Yadav, at their Gurugram home due to a dispute over her running a tennis academy. Despite repeated requests to shut down the academy, Radhika refused, leading to a heated argument that ended in tragedy. Deepak Yadav has been arrested and charged with murder, with investigations revealing his frustration over societal taunts about living off his daughter's income ¹.