മലപ്പുറം: ദേശീയ-അന്തര്‍ദേശീയ സര്‍വകലാശാലകളില്‍ ഉപരിപഠനം നേടുന്നതോടൊപ്പം മൂല്യാധിഷ്ഠിത വിദ്യാഭ്യാസത്തിന്റെ വക്താക്കളാവാന്‍ പുതിയതലമുറ പ്രതിജ്ഞാബദ്ധരാകേണ്ടതുണ്ടെന്ന് അലിഗഢ് മുസ്‌ലിം സര്‍വകലാശാല മലപ്പുറം സെന്റര്‍ ഡയറക്ടര്‍ ഡോ.അബ്ദുല്‍ റഷീദ് പറഞ്ഞു. എസ്.കെ.എസ്.എസ്.എഫ് നാഷനല്‍ ക്യാംപസ് കാളിന്റെ ഉദ്ഘാടനചടങ്ങില്‍ സംസാരിക്കുകയായിരുന്നു അദ്ദേഹം.
പാണക്കാട് സയ്യിദ് ഹമീദലി ശിഹാബ് തങ്ങള്‍ അധ്യക്ഷനായി.സത്താര്‍ പന്തല്ലൂര്‍ മുഖ്യപ്രഭാഷണം നടത്തി.
പി.അബ്ദുല്‍ ഹമീദ് എം.എല്‍.എ, എം.ഇ.എ കോളജ് വൈസ് പ്രിന്‍സിപ്പല്‍ ഹനീഷ് ബാബു, മലപ്പുറം ഗവ. കോളജ് പ്രിന്‍സിപ്പല്‍ ഡോ.സുലൈമാന്‍, ഡോ.അബ്ദുറഹീം കോടശ്ശേരി, കുഞ്ഞാണി മുസ്‌ലിയാര്‍ സംസാരിച്ചു.
വിവിധ സെഷനുകളിലായി കാടേരി മുഹമ്മദ് മുസ്‌ലിയാര്‍, ബശീര്‍ ഫൈസി ദേശമംഗലം, ആസിഫ് ദാരിമി പുളിക്കല്‍, കൊയ്യോട് ഉമര്‍ മുസ്‌ലിയാര്‍, ഡോ.ബശീര്‍ പനങ്ങാങ്ങര, പി.ടി നാസര്‍ എന്നിവര്‍ വിഷയം അവതരിപ്പിച്ചു. സമാപന ദിവസമായ ഇന്ന് ക്യാംപസ് വിങ് സംസ്ഥാന കൗണ്‍സില്‍ നടക്കും.
ഹൈദരലി വാഫി, ഡോ.സുബൈര്‍ ഹുദവി ചേകനൂര്‍, ഖയ്യൂം കടമ്പോട്, ഇസ്ഹാഖ് കിളര്‍ സംബന്ധിക്കും.