ഹരാരെ: സിംബാബ്‌വെയ്‌ക്കെതിരായ ടി20 പരമ്പരയിലെ മൂന്നാമത്തെയും അവസാനത്തെയും മത്സരം ഇന്ന്. പരമ്പര ജേതാക്കളെ നിര്‍ണയിക്കുന്ന മത്സരം കൂടിയാണിത്. ഇരു ടീമുകളും ഓരോ മത്സരം ജയിച്ചതിനാല്‍ പരമ്പര 1-1 എന്ന നിലയിലാണ്. ആദ്യ മത്സരത്തില്‍ അപ്രതീക്ഷിത തോല്‍വി വഴങ്ങിയ ഇന്ത്യന്‍ ടീം രണ്ടാം മത്സരത്തിലെ വമ്പന്‍ ജയത്തോടെ ഫോമിലേക്കുയര്‍ന്നു കഴിഞ്ഞു.

ഇന്ത്യന്‍ ബാറ്റിങ് നിര സിംബാബ്‌വെ പര്യടനത്തില്‍ ഇതുവരെ പരീക്ഷിക്കപ്പെട്ടിട്ടില്ല. ലോകേഷ് രാഹുലും മന്‍ദീപ് സിങും, മനീഷ് പാണ്ഡെയുമാണ് ഫോമിലുള്ള താരങ്ങള്‍.

ബൗളിങാണ് ടൂര്‍ണമെന്റിലുടനീളം മികച്ചു നിന്നത്. ധവാല്‍ കുല്‍ക്കര്‍ണി, ജസ്പ്രിത് ബുമ്‌റ, ബരീന്ദര്‍ സ്രാന്‍ എന്നിവര്‍ക്ക് മികച്ച ഫോമിലാണ്.
സ്പിന്‍ ബൗളിങില്‍ അക്‌സര്‍ പട്ടേലും യുഷ്‌വേന്ദ്ര ചഹലും ഉണ്ട്. ഇവരുടെ ഫോം ടീമിന് ജയ പ്രതീക്ഷ നല്‍കുന്നുണ്ട്. അതേസമയം ആദ്യ മത്സരത്തിലെ പ്രകടനത്തിലെ മികവ് ആവര്‍ത്തിച്ചാല്‍ സിംബാബ്‌വെയ്ക്ക് പരമ്പര സ്വന്തമാക്കാം.