കുന്ദമംഗലം: സി.ഡബ്ല്യു.ആര്‍.ഡി.എം ജീവനക്കാരന്‍ ശിവാനന്ദന്‍ വീടിന് മുകളില്‍ വളര്‍ത്തിയ നെല്‍കൃഷിയുടെ വിളവെടുപ്പ് ഗ്രാമപഞ്ചായത്ത് പ്രസിഡന്റ് ഷമീന വെള്ളക്കാട്ട് ഉദ്ഘാടനം ചെയ്തു.
വീടിന്റെ ടറസില്‍ പി.വി.സി പാത്തികളിലാണ് ഉമ ഇനത്തില്‍പ്പെട്ട നെല്ല് വളര്‍ത്തിയത്. പറമ്പിലെ മണ്ണ് ഉപയോഗിച്ചാണ് നെല്‍കൃഷി. ജൈവവളം മാത്രം ഉപയോഗിച്ചാണ് കൃഷിയിറക്കിയത്.
ഡിസംബറില്‍ വിതച്ച നെല്ല് അഞ്ച് മാസം കൊണ്ടാണ് വിളവെടുത്തത്. നെല്‍കൃഷി വിളവെടുപ്പ് കഴിഞ്ഞാല്‍ ഇവിടെ ചെറുപയര്‍ കൃഷി ചെയ്യുമെന്ന് ശിവാനന്ദന്‍ പറഞ്ഞു.
ചടങ്ങില്‍ കൃഷി ഓഫിസര്‍ രൂപ, ഗ്രാമപഞ്ചായത്ത് വൈസ് പ്രസിഡന്റ് വിനോദ് പടനിലം, വികസന കാര്യ ചെയര്‍പേഴ്‌സണ്‍ ലീന വാസുദേവ്, ഗ്രാമപഞ്ചായത്തംഗളായ എം.വി ബൈജു, എ.കെ ഷൗക്കത്തലി, പി. പവിത്രന്‍, ടി.കെ ഹിതേഷ് കുമാര്‍, കുന്ദമംഗലം പ്രസ് ക്ലബ് പ്രസിഡന്റ് രവീന്ദ്രന്‍ കുന്ദമംഗലം, ഭക്തോത്തമന്‍ സംബന്ധിച്ചു.