കുറ്റിക്കാട്ടൂര്‍: കുറ്റിക്കാട്ടൂര്‍ യൂനിറ്റ് മാമ്പുഴ സംരക്ഷണ സമിതിയുടെ ആഭിമുഖ്യത്തില്‍ കുറ്റിക്കാട്ടൂര്‍ സര്‍വിസ് സ്‌റ്റേഷന്‍ പരിസരം മുതല്‍ ശുചീകരിച്ചു. ലാഡ് കണക്കിന് പ്ലാസ്റ്റിക് കുപ്പികളും ഇലക്ട്രോണിക് മാലിന്യങ്ങളുമാണ് പുഴയില്‍ നിന്നും കരകയറ്റിയത്. പെരുവയല്‍ പഞ്ചായത്ത് പ്രസിഡന്റ് വൈ.വി ശാന്ത ഉദ്ഘാടനം ചെയ്തു.
 പഞ്ചായത്തംഗം എ.എം ആശിഖ്, കെ.പി സുരേന്ദ്രന്‍, അനീഷ് പാലാട്ട്, റഹ്മാന്‍ കുറ്റിക്കാട്ടൂര്‍, പാലാട്ട് ശ്രീധരന്‍, പേങ്കാട്ടില്‍ രാധാകൃഷ്ണന്‍, വിനോദ്, യൂനിറ്റ് പ്രസിഡന്റ് ഇ. മുജീബ് റഹ്മാന്‍, സെക്രട്ടറി ചാത്തമ്പത്ത് രാജീവ് നേതൃത്വം നല്‍കി.
പയ്യടിത്താഴം റസിഡന്‍സ് അസോസിയേഷന്റെ ആഭിമുഖ്യത്തില്‍ ഇന്നലെയും കഴിഞ്ഞ ഞായറാഴ്ചയുമായി അറുപതോളം പേര്‍ ചേര്‍ന്ന് കോടിച്ചിറ പുത്തലത്ത് താഴം മുതല്‍ മനത്താനത്ത് ക്ഷേത്രത്തിനു സമീപം വരെ മാമ്പുഴയില്‍ പായലുകളും പ്ലാസ്റ്റിക് മാലിന്യങ്ങളും നീക്കം ചെയ്ത് ശുചീകരിച്ചു. എം. വേലായുധന്‍ മാസ്റ്റര്‍, എം. ഉണ്ണികുമാരന്‍, മുരളീധരന്‍ മംഗലോളി, സുനില്‍ കര്‍ണികാരം, കെ.ം പ്രഭാകരന്‍, നെച്ചിപ്പുറത്ത് സത്യന്‍ നേതൃത്വം നല്‍കി.