എടവണ്ണപ്പാറ: ജലം= ജീവന്‍ എന്ന പ്രമേയവുമായി എസ്.കെ.എസ്.എസ്.എഫ് സംഘടിപ്പിച്ചുവരുന്ന കാംപയിന്റെ പ്രവര്‍ത്തനങ്ങള്‍ക്ക് ജില്ലയില്‍ തുടക്കമായി. എടവണ്ണപ്പാറ മേഖലയിലെ വെട്ടുപാറയില്‍ ചാലിയാര്‍ പുഴയിലൊരുക്കിയ വേദിയില്‍ ജില്ലാപഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ ഉദ്ഘാടനം ചെയ്തു. എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ അധ്യക്ഷനായി. ജലസംരക്ഷണ പ്രതിജ്ഞയും പ്ലക്കാര്‍ഡുകളുടെ പ്രദര്‍ശനവും കാംപയിന്റെ ഭാഗമായി മേഖല വിഖായ ശാഖകളില്‍ ഒരുക്കുന്ന തണ്ണീര്‍ക്കുടം പദ്ധതിയുടെ ഉദ്ഘാടനവും നടന്നു. ജലദിനമായ മാര്‍ച്ച് 22ന് മേഖലാതലത്തില്‍ ജലാശയ ശുചീകരണവും ക്ലസ്റ്റര്‍ കേന്ദ്രീകരിച്ച് ജലസംരക്ഷണ റാലിയും യൂനിറ്റുകളില്‍ കുടിവെള്ള വിതരണവും തണ്ണീര്‍ക്കുടം സ്ഥാപിക്കലും ലഘുലേഖ വിതരണവും സി.ഡി പ്രദര്‍ശനവും നടത്തും.
പി.എ ജബ്ബാര്‍ ഹാജി, ചീക്കോട് ഗ്രാമപഞ്ചായത്ത് പ്രസിഡന്റ് കെ.പി സഈദ്, ഫാറൂഖ് ഫൈസി മണിമൂളി, യു.കെ.എം ബഷീര്‍ മൗലവി, ഉമര്‍ ദാരിമി പുളിയക്കോട്, ഉമറുല്‍ ഫാറൂഖ് കരിപ്പൂര്‍, അനീസ് ഫൈസി മാവണ്ടിയൂര്‍, നാസറുദ്ദീന്‍ ദാരിമി, മമ്മു ദാരിമി, അബ്ദുല്‍ ശുക്കൂര്‍ വെട്ടത്തൂര്‍ സംസാരിച്ചു. കെ.ഇ മുഹമ്മദ് ഹാജി, പി.പി അലി മൗലവി, കെ.വി കുഞ്ഞാന്‍, സമദ് മാസ്റ്റര്‍ വാഴയൂര്‍, മന്‍സൂര്‍ മാസ്റ്റര്‍ വിരിപ്പാടം, യൂനുസ് ഫൈസി വെട്ടുപാറ, സൈനുദ്ദീന്‍ ബാഖവി കിഴിശ്ശേരി, അസ്വ്‌ലഹ്  മുതുവല്ലൂര്‍, സിദ്ദീഖ് പള്ളിപ്പുറായ, സവാദ് മുണ്ടുമുഴി, അബ്ദുല്ല ഓമാനൂര്‍, അബ്ദുല്‍ ഗഫൂര്‍ വാവൂര്‍, സീറ്റ നൗഷാദ്, മന്‍സൂര്‍ വാഫി, മുസ്തഫ ഖാസിമി, ബുശൈര്‍ മാസ്റ്റര്‍, ശമ്മാസ് ഫൈസി പങ്കെടുത്തു.