ചെറുവത്തൂര്‍: അച്ചാംതുരുത്തി സ്വദേശാഭിമാനി കലാലയം, അഴീക്കോടന്‍ മെമ്മോറിയല്‍ സ്‌പോര്‍ട്‌സ് ക്ലബ് എന്നിവയുടെ സുവര്‍ണ ജൂബിലി ആഘോഷവും പുതുതായി നിര്‍മിച്ച കെട്ടിടത്തിന്റെ ഉദ്ഘാടനവും സ്പീക്കര്‍ പി. ശ്രീരാമകൃഷ്ണന്‍ നിര്‍വഹിച്ചു. സി. നാരായണന്‍ അധ്യക്ഷനായി. ചടങ്ങില്‍ മികച്ച പഞ്ചായത്തിനുള്ള അവാര്‍ഡ് നേടിയ ചെറുവത്തൂര്‍ പഞ്ചായത്ത്, ബില്‍ഡിങ് എന്‍ജിനീയര്‍ പത്മനാഭന്‍ എന്നിവരെ ആദരിച്ചു. കെ. കുഞ്ഞിരാമന്‍ ഫോട്ടോ അനാഛാദനം ചെയ്തു.
പഞ്ചായത്ത് പ്രസിഡന്റ് മാധവന്‍ മണിയറ ചിത്രപ്രദര്‍ശനം ഉദ്ഘാടനം ചെയ്തു. മുനമ്പത്ത് ഗോവിന്ദന്‍, പി.വി കൃഷ്ണന്‍, പി.പി കുഞഞിരാമന്‍ എന്നിവര്‍ സംസാരിച്ചു. മുങ്ങത്ത് വിജയന്‍ സ്വാഗതവും എം. രാജു നന്ദിയും പറഞ്ഞു. തുടര്‍ന്ന് നടന്ന ആദ്യകാല പ്രവര്‍ത്തകരുടെ സംഗമം കെ. സുധാകരന്‍ ഉദ്ഘാടനം ചെയ്തു. കെ.വി കൃഷ്ണന്‍ അധ്യക്ഷനായി. ബാലചന്ദ്രന്‍ എരവില്‍ മോഡറേറ്ററായി. കെ. നാരായണന്‍, ടി.വി കണ്ണന്‍, സി. നാരായണന്‍, ടി.വി കൃഷ്ണന്‍, അഡ്വ. അര്‍ജുനന്‍ വയലില്‍,അജിത്ത് വയലില്‍, ടി. ജയരാജന്‍, കെ.കെ ദാമോവദരന്‍ സംസാരിച്ചു.