ജിദ്ദ: ആഭ്യന്തര ഹജ്ജ് സ്ഥാപനങ്ങള്‍ക്ക് ശവ്വാലില്‍ തമ്പുകള്‍ കൈമാറുമെന്ന് ഹജ്ജ് മന്ത്രാലയം അറിയിച്ചു. ആഭ്യന്തര ഹജ്ജ് സേവന സ്ഥാപനങ്ങള്‍ക്ക് മിനയില്‍ തമ്പുകളും ടവറുകള്‍ നിശ്ചയിക്കുന്ന നടപടികള്‍ പൂര്‍ത്തിയാക്കിയിട്ടുണ്ട്. 

മിനയിലെ മലഞ്ചെരുവിലാണ് 11872 തീര്‍ത്ഥാടകരെ ഉള്‍ക്കൊള്ളാവുന്ന ആറു ടവറുകളുള്ളത്. 194 തമ്പുകളും ഇവര്‍ക്കായി മാറ്റിയിട്ടുണ്ട്.  ഇത്രയും തമ്പുകളിലായി ഏകദേശം 132679 തീര്‍ത്ഥാടകരെ ഉള്‍ക്കൊള്ളും.

ചെലവ് കുറഞ്ഞ ഹജ്ജ് പദ്ധതിക്ക് 77 തമ്പുകളുമുണ്ട്. 51518 തീര്‍ത്ഥാടകരെ ഈ തമ്പുകളില്‍ താമസിപ്പിക്കും. മുന്‍ വര്‍ഷം ഹജ്ജ് വേളയില്‍ ആഭ്യന്തര ഹജ്ജ് സേവന സ്ഥാപനങ്ങള്‍ക്ക് ലഭിച്ച പോയന്റുകള്‍ അടിസ്ഥാനത്തിലാണ് ഈ പ്രാവിശ്യവും തമ്പുകള്‍ നിശ്ചയിക്കുന്ന നടപടികള്‍ പൂര്‍ത്തിയാക്കിയെതെന്നും ഹജ്ജ് മന്ത്രാലയം അറിയിച്ചു.