പള്ളിപ്പുറം: പള്ളിപ്പുറം ദാറുല്‍ അന്‍വാര്‍ ഇസ്‌ലാമിക് കോംപ്ലക്‌സിന്റെ 15ാം വാര്‍ഷികാഘോഷങ്ങളുടെ ഭാഗമായി ഈ മാസം 10ന് കോംപ്ലക്‌സ് കമ്മിറ്റിക്കു കീഴിലുള്ള മുഴുവന്‍ സ്ഥാപനങ്ങളിലേയും വിദ്യാര്‍ഥികളുടെ കുടുംബാംഗങ്ങള്‍, ദാറുല്‍അന്‍വാര്‍ ജനറല്‍ബോഡി അംഗങ്ങള്‍, സ്ഥാപനത്തിലെ ജീവനക്കാര്‍, മഹല്ല് തലങ്ങളില്‍ രൂപീകരിക്കപ്പെട്ട ഉപസമിതികള്‍, സ്വാഗതസംഘം ഭാരവാഹികള്‍, മൂന്നുമൂല പ്രദേശവാസികള്‍, പരുതൂര്‍, മുതുതല, തിരുവേഗപ്പുറ പഞ്ചായത്തുകളിലെ മഹല്ല്, മദ്‌റസാ ഭാരവാഹികള്‍, ഖത്വീബുമാര്‍, മദ്‌റസാ ഉസ്താദുമാര്‍, സമസ്തയുടേയും കീഴ്ഘടകങ്ങളുടേയും ഭാരവാഹികള്‍, ഖുര്‍ആന്‍ സ്റ്റഡീ സെന്റര്‍ പഠിതാക്കള്‍, പ്രാസ്ഥാനിക ബന്ധുക്കള്‍, മറ്റ് അഭ്യുതയകാംക്ഷികള്‍ എന്നിവരെ പങ്കെടുപ്പിച്ചുകൊണ്ടുള്ള ദാറുല്‍അന്‍വാറിന്റെ വിപുലമായ കുടുംബസംഗമവും ബാലികാ അനാഥ അഗതി മന്ദിരത്തില്‍ പഠിച്ചിരുന്ന അനാഥകളും അഗതികളുമായ മൂന്നു യുവതികളുടെ വിവാഹം, യതീംഖാനക്ക് വേണ്ടി നിര്‍മ്മിക്കുന്ന മര്‍ഹും പി.ടി കുഞ്ഞാപ്പുഹാജി സ്മാരക സൗധത്തിന്റെ ശിലാസ്ഥാപനവും 10ന് രാവിലെ ഉച്ചക്ക് ഒരുമണി വരെ മൂന്നുമൂല അന്‍വാര്‍ നഗറില്‍ നടക്കും.
മത-രാഷ്ട്രീയ-സാമൂഹിക സാംസ്‌കാരിക രംഗങ്ങളിലെ പ്രമുഖര്‍ പങ്കെടുക്കും. അല്‍ഹാജ് സി.കെ.എം സാദിഖ് മുസ്‌ലിയാര്‍ അധ്യക്ഷനാകും.
സയ്യിദ് പി.കെ ഇമ്പിച്ചിക്കോയ തങ്ങള്‍ പഴയലെക്കിടി പ്രാര്‍ഥനക്ക് നേതൃത്വം നല്‍കും. ദാറുല്‍അന്‍വാര്‍ തഹ്ഫീളുല്‍ ഖുര്‍ആന്‍ കോളജ് ഹാഫിള് മുസ്തഫ കീഴിശ്ശേരി ഖിറാഅത്ത് പാരായണം നടത്തും.
കുടുംബസംഗമം പാണക്കാട് സയ്യിദ് സാദിഖലി ശിഹാബ് തങ്ങള്‍ ഉദ്ഘാടനം ചെയ്യും. അബ്ദുസ്സമദ് പൂക്കോട്ടൂര്‍ മുഖ്യപ്രഭാഷണം നടത്തും.
ഡോ. സാലിം ഫൈസി കൊളത്തൂര്‍ വിഷയാവതരണം നടത്തും. സി.എ.എം.എ കരീം, അഷ്‌റഫ് ഹാജി ചൊവ്വല്ലൂര്‍, ടി. സുധാകരന്‍, എം.പി മുഹമ്മദലി മൂന്നുമൂല, പി.ടി മുഹമ്മദ് മാസ്റ്റര്‍ കൊടുമുണ്ട, പി.ടി ശംസുദ്ധീന്‍ മുടപ്പക്കാട്, എം.എം ബഷീര്‍ മൗലവി, ഉമര്‍ ഹാജി കൂറ്റനാട്, വി.പി യാസര്‍ അറഫാത്ത് വാഫി, പി.ടി ഹംസ, പി.ഹംസ മാസ്റ്റര്‍ കാരമ്പത്തൂര്‍, കെ.പി അഷ്‌റഫ് മാസ്റ്റര്‍ പൈലിപ്പുറം സംബന്ധിക്കും. എം.പി ഹസന്‍ ഹാജി നന്ദി പറയും.