ആലപ്പുഴ: ഇന്‍ഫര്‍മേഷന്‍പബ്ലിക് റിലേഷന്‍സ് വകുപ്പിന്റെ ആഭിമുഖ്യത്തില്‍ ആനപ്രമ്പാല്‍ എ.ഡി.യു.പി സ്‌കൂളില്‍ ഇന്ന് ഹരിത കേരളം ചിത്രപ്രദര്‍ശനം നടത്തും.
രാവിലെ 11.30ന് തലവടി ഗ്രാമപഞ്ചായത്ത് പ്രസിഡന്റ് അഡ്വ. ജനൂപ്് പുഷ്പാകരന്‍ ഉദ്ഘാടനം നിര്‍വഹിക്കും. ഗ്രാമപഞ്ചായത്തംഗം ബിനു സുരേഷ് ആധ്യക്ഷനാകും.
ജില്ലാ ഇന്‍ഫര്‍മേഷന്‍ ഓഫിസര്‍ ചന്ദ്രഹാസന്‍ വടുതല, ഗ്രാമപഞ്ചായത്ത് വൈസ് പ്രസിഡന്റ് ഇ.ജി.തോമസ് പ്രസാദ്, ഗ്രാമപഞ്ചാത്തംഗങ്ങളായ അജിത്ത് കുമാര്‍ പിഷാരത്ത്, ദിനു വിനോദ്, ഹെഡ്മിസ്ട്രസ് ജയശ്രീ, മാനേജര്‍ വിലാസചന്ദ്രപ്പണിക്കര്‍,പി. റ്റി.എ പ്രസിഡന്റ് സുരേഷ് കുമാര്‍ എന്നിവര്‍ പങ്കെടുക്കും.
ഹരിതകേരളം പദ്ധതിയുടെ ഭാഗമായി ജില്ലയില്‍ നടന്ന വിവിധ പദ്ധതികളുടെ ചിത്രങ്ങളും ഹരിതകേരളം പദ്ധതിയുടെ പ്രാധാന്യം വിളിച്ചോതുന്ന വിവരണ ചിത്രങ്ങളുമാണ് പ്രദര്‍ശനത്തിലുള്ളത്.