കോട്ടയം: ആരോഗ്യ- കുടുംബക്ഷേമ വകുപ്പിന്റെ ആഭിമുഖ്യത്തില്‍ രോഗപ്രതിരോധ കുത്തിവയ്പുകള്‍ ഓര്‍ഫനേജ് ഉള്‍പ്പെടെയുള്ള സ്ഥാപനങ്ങളിലെ കുട്ടികള്‍ക്ക് ലഭിക്കുന്നുണ്ടെന്ന് ഉറപ്പാക്കണമെന്നും കുത്തിവയ്പുകള്‍ നല്‍കാന്‍ തയാറാകാത്ത സ്ഥാപനങ്ങളുടെ അംഗീകാരം റദ്ദ് ചെയ്യണമെന്നും ജില്ലാ സാമൂഹ്യനീതി ഓഫിസര്‍ അറിയിച്ചു. സംസ്ഥാന ബാലാവകാശ കമ്മിഷന്‍ നിര്‍ദേശിച്ചിട്ടുള്ള പശ്ചാത്തലത്തില്‍ കുട്ടികളെ സംരക്ഷിക്കുന്ന എല്ലാ സ്ഥാപനങ്ങളും അവര്‍ക്ക് രോഗപ്രതിരോധ കുത്തിവയ്പുകള്‍ നടത്തണമെന്നും ഇക്കാര്യത്തില്‍ വീഴ്ച വരുത്തുന്ന സ്ഥാപനങ്ങള്‍ക്കെതിരേ കര്‍ശന നടപടി സ്വീകരിക്കുമെന്നും അദ്ദേഹം പറഞ്ഞു.