ദുബൈയിൽ: ഏപ്രിൽ മാസം ആദ്യം മുതൽ ദുബൈയിൽ പുതിയ വേരിയബിൾ പാർക്കിങ്ങ് നിരക്കുകൾ പ്രാബല്യത്തിലാകും. അതേസമയം പാർക്കിങ്ങ് പിഴയിൽ നിന്നുള്ള വരുമാനത്തിൽ കഴിഞ്ഞ വർഷം 37 ശതമാനം വർധനയുണ്ടായെന്ന് അധികൃതർ അറിയിച്ചു. 249.1 ദശലക്ഷം ദിർഹമാണ് നേട്ടം. അതേസമയം, 2023ൽ ഇത് 181.3 ദശലക്ഷം ദിർഹമായിരുന്നു. കൂടാതെ, 2024 ഒക്ടോബർ മുതൽ ഡിസംബർ അവസാനം വരെ ചുമത്തിയ പിഴകളിൽ 72ശതമാനത്തിന്റെ വർധനയാണുള്ളത്. ഭൂരിഭാഗം പിഴകളും പബ്ലിക് പാർക്കിങ്ങ് വിഭാഗത്തിലാണ്. പൊതു പാർക്കിങ്ങ് പിഴകൾ നാലാം പകുതിയിൽ 51ശതമാനം വർധിച്ച് 424,000 ആയി. അതേ സമയം 2023ൽ ഇത് 281,000 ആയിരുന്നു.

ഏപ്രിൽ ആദ്യം മുതൽ പുതിയ വേരിയബിൾ പാർക്കിങ്ങ് നിരക്കുകൾ പ്രാബല്യത്തിൽ വരുമെന്നാണ് അധികൃതർ അറിയിച്ചത്. രാവിലെ 8 മണി മുതൽ 10 മണി വരെയും വൈകുന്നേരം 4 മുതൽ രാത്രി 8 വരെയും എല്ലാ പൊതു പാർക്കിങ്ങ് സോണുകളിലും പ്രീമിയം പാർക്കിങ്ങ് സ്ഥലങ്ങളിലും മണിക്കൂറിന് 6 ദിർഹം ഈടാക്കും. (സോൺ ബിയിൽ 40 ദിർഹവും സോൺ ഡിയിൽ 30 ദിർഹവുമാണ് പ്രീമിയം പാർക്കിങ്ങിനുള്ള പ്രതിദിന താരിഫ്.) 2025 ഏപ്രിൽ മുതൽ ആരംഭിക്കാൻ പോകുന്ന വേരിയബിൾ താരിഫിനെ സംബന്ധിച്ച കാര്യങ്ങൾ അന്തിമമാക്കുന്നതിനായി പാർക്കിങ്ങിന്റെ മാനേജ്മെന്റ് ടീം നിലവിൽ ആർടിഎയുമായി ചർച്ചകൾ നടത്തിവരികയാണ്.

The Roads and Transport Authority (RTA) in Dubai has announced new parking fees to be implemented from April, affecting parking zones across the city.