കോഴിക്കോട്: പാലക്കാട് സ്വദേശി യുവ ദന്ത ഡോക്ടർ ലഹരിമരുന്നുമായി പൊലീസ് പിടിയിലായി. ഓമശ്ശേരി, കൊടുവള്ളി പ്രദേശത്തെ ഫ്ലാറ്റിൽ നിന്നാണ് 15 ഗ്രാം എംഡിഎംഎ കണ്ടെത്തിയത്. കരിമ്പ, കളിയോട്, കണ്ണൻകുളങ്ങര സ്വദേശിയായ വിഷ്ണുരാജ് (29) ആണ് പൊലീസ് റെയ്ഡിൽ അറസ്റ്റിലായത്.

മലപ്പുറം: ഓട്ടോ ഡ്രൈവർ എംഡിഎംഎയുമായി പിടിയിൽ

മലപ്പുറം പൊന്നാനിയിൽ, ഓട്ടോ ഡ്രൈവർ ലഹരിമരുന്നുമായി അറസ്റ്റിലായി. വെളിയങ്കോട് സ്വദേശി സുഫൈൽ ആണ് മൂന്ന് ഗ്രാം എംഡിഎംഎ യുമായി പിടിയിലായത്. ചെറിയ പാക്കറ്റുകളാക്കി കൈവശം വെച്ച്, ഓട്ടോറിക്ഷയിൽ ചുറ്റിക്കറങ്ങി വിൽക്കുന്നതിനിടെയാണ് ഇയാൾ പിടിയിലായത്. പ്രതിയുടെ ഓട്ടോറിക്ഷയും പൊലീസ് കസ്റ്റഡിയിലെടുത്തു. ബാംഗ്ലൂരിൽ നിന്നാണ് ലഹരിമരുന്ന് ഇയാൾ എത്തിച്ചതെന്നാണ് പ്രാഥമിക വിവരം.

പാലക്കാട്: പട്ടാമ്പിയിൽ 21.50 ഗ്രാം എംഡിഎംഎ പിടികൂടി

പട്ടാമ്പി പൊലീസ് റെയ്ഡിൽ, 21.50 ഗ്രാം എംഡിഎംഎ പിടികൂടി. കൊണ്ടോക്കര സ്വദേശി മുസ്തഫ ആണ് അറസ്റ്റിലായത്. പ്രതിക്ക് ലഹരിമരുന്ന് എത്തിച്ച ശൃംഖല സംബന്ധിച്ച് വ്യക്തമായ സൂചനകൾ ലഭിച്ചിട്ടുണ്ടെന്ന് പട്ടാമ്പി പൊലീസ് അറിയിച്ചു. അന്വേഷണം തുടരുകയാണെന്നും ഉദ്യോഗസ്ഥർ വ്യക്തമാക്കി.