കുമ്പള: കര്‍ണാടക ട്രാന്‍സ്‌പോര്‍ട്ട് ബസിന് പിറകില്‍ ബൈക്ക് ഇടിച്ച് ആറു വയസുകാരന്‍ ഉള്‍പ്പെടെ മൂന്നു പേര്‍ക്ക് പരുക്കേറ്റു. ഇന്നലെ വൈകിട്ട് ആറോടെ ദേശീയപാതയില്‍ ആരിക്കാടി ഹനുമാന്‍ ക്ഷേത്രത്തിനു സമീപത്താണ് അപകടമുണ്ടായത്.
മുന്‍പിലുണ്ടായിരുന്ന ബൈക്ക് പെട്ടെന്ന് മറ്റൊരു റോഡിലേക്ക് തിരിച്ചതിനെ തുടര്‍ന്ന് ബസ് ബ്രേക്കിട്ടതാണ് അപകട കാരണം. തുടര്‍ന്ന് പിറകലുണ്ടായിരുന്ന ബൈക്ക് ബസില്‍ ഇടിക്കുകയായിരുന്നു. കൂടാതെ ബസിലുണ്ടായിരുന്ന കുട്ടി പുറത്തേക്ക് തെറിച്ചു വീഴുകയും കുട്ടിക്കും മാതാവിനും പരുക്കേല്‍ക്കുകയും ചെയ്തു.ഇടിയുടെ ആഘാതത്തില്‍ ബൈക്ക് തെറിച്ചു വീഴുകയും യാത്രികന് പരുക്കേല്‍ക്കുകയും ചെയ്തു.