പൊന്നാനി: പൊന്നാനി നഗരസഭയിലെ അണ്ടിത്തോട് കാരാക്കുഴില്‍ പുഴമ്പ്രം അങ്കണവാടി റോഡ് ഉദ്ഘാടനം ചെയ്തു. ഏറെ നാളത്തെ ആവശ്യമാണ് ഒടുവില്‍ സഫലമായത്.
അങ്കണവാടിയിലേക്കുള്ള  കുട്ടികളടക്കം നിരവധി പേര്‍ ദിനംപ്രതി ആശ്രയിക്കുന്ന റോഡാണ് ടാറിങ് പൂര്‍ത്തീകരിച്ച്  ഉദ്ഘാടനം ചെയ്തത്. നഗരസഭയിലെ പതിനേഴാം വാര്‍ഡില്‍ ഉള്‍പ്പെടുന്ന റോഡ് നേരത്തെ  ചെളിക്കുളമായിരുന്നു.നഗരസഭയുടെ തനത് ഫണ്ടില്‍ നിന്നു മൂന്നര ലക്ഷം രൂപ ചെലവഴിച്ചാണ് ഈ ഭാഗം ഗതാഗതയോഗ്യമാക്കിയത്.
നിര്‍മാണം പൂര്‍ത്തീകരിച്ച  റോഡിന്റെ ഉദ്ഘാടനം നഗരസഭാ ചെയര്‍മാന്‍ സി.പി മുഹമ്മദ് കുഞ്ഞി നിര്‍വഹിച്ചു. ടി ദാമോദരന്‍,  കെ രാജന്‍, സുലൈമാന്‍ സംബന്ധിച്ചു.