ദോഹ: രാജ്യത്ത് ഭയാനകമാം വിധം വര്‍ദ്ധിച്ച് വരുന്ന ഫാഷിസ്റ്റ് ഭീകരതക്കെതിരെ മതേതര കക്ഷികളുടെ ഐക്യനിര ശക്തിപ്പെടണമെന്ന് മുസ്‌ലിം യൂത്ത് ലീഗ് സംസ്ഥാന ജനറല്‍ സെക്രട്ടറി പി.കെ. ഫിറോസ് പറഞ്ഞു. ഖത്തര്‍ കെ.എം.സി.സി കുന്ദമംഗലം മണ്ഡലം കമ്മിറ്റി നല്‍കിയ സ്വീകരണ യോഗത്തില്‍ സംസാരിക്കുകയായിരുന്നു അദ്ദേഹം.

ആകെ പോള്‍ ചെയ്യുന്ന വോട്ടുകളുടെ മൂന്നിലൊന്ന് വോട്ടുകള്‍ പോലും നേടിയെടുക്കാന്‍ കഴിയാതിരുന്നിട്ടും ബി ജെ പി അധികാരത്തിലെത്തുന്നത് ഇതര കക്ഷികളുടെ ഭിന്നത മുതലെടുത്താണ്. ബീഹാര്‍ തെരഞ്ഞെടുപ്പ് ഫലം മതേതര കക്ഷികള്‍ പാഠമാക്കണമെന്നും അദ്ദേഹം പറഞ്ഞു.