ജിദ്ദ: മലപ്പുറം സ്വദേശിയായ യുവാവ് ജിദ്ദയില്‍ ഹൃദയാഘാതത്തെ തുടര്‍ന്ന് മരിച്ചു. മലപ്പുറം പുകയൂര്‍ കാളമ്പ്രാട്ടില്‍ ചേലക്കല്‍ കിഴക്കിനകത്ത് നിസാര്‍ (31) ആണ് മരിച്ചത്.

ജിദ്ദയിലെ മര്‍ജാനില്‍ താമസ സ്ഥലത്തുവെച്ചായിരുന്നു അന്ത്യം. മര്‍ജാനില്‍ ബഖാല ജോലി ചെയ്തു വരികയായിരുന്നു. ഇന്നലെ രാത്രി ജോലി കഴിഞ്ഞ് ഭക്ഷണം കഴിച്ച് കിടന്നുറങ്ങിയ നിസാറിനെ രാവിലെ ജോലിക്ക് പോവാന്‍ വരുന്നത് കാണാത്തതിനെ തുടര്‍ന്ന് വിളിക്കാനായി സുഹൃത്തുക്കള്‍ മുറിയിലെത്തിയപ്പോഴാണ് മരണപ്പെട്ടതായി അറിയുന്നത്.

മൃതദേഹം ജിദ്ദയിലെ കിംങ് ഫഹദ് ആശുപത്രിയില്‍ സൂക്ഷിച്ചിരിക്കുകയാണ്. നടപടികള്‍ പൂര്‍ത്തിയാക്കി മൃതദേഹം ജിദ്ദയില്‍ തന്നെ ഖബറടക്കുമെന്ന് ബന്ധുകള്‍ അറിയിച്ചു.