തൊടുപുഴ: നഗരത്തിലും പരിസര പ്രദേശത്തുമായി കഴിഞ്ഞ രാത്രി ആറിടത്ത് മോഷണ ശ്രമം. ടൗണിന് സമീപത്തുള്ള വടക്കുംമുറിയിലാണ് അടുത്തടുത്തായുള്ള ആറ് വീടുകളില്‍ മോഷണം ശ്രമം നടന്നത്. ഇതില്‍ പല വീടുകളിലും കള്ളന്‍മാര്‍ വാതില്‍ തകര്‍ത്ത് ഉള്ളില്‍ കടന്നിട്ടുണ്ട്. വീട്ടുകാര്‍ എഴുന്നേറ്റതോടെ ഇവര്‍ സ്ഥലം വിടുകയായിരുന്നു. കഴിഞ്ഞ ദിവസങ്ങളില്‍ ജില്ലയിലെ വിവിധ സ്ഥലങ്ങളില്‍ നിന്നായി നിരവധി വാഹനങ്ങള്‍ മോഷണം പോയിരുന്നു. ഇതിന്റെ അന്വേഷണം പുരോഗമിക്കുമ്പോഴാണ് വീടുകള്‍ കയറിയുള്ള മോഷണം.മഴക്കാലമായതിനാല്‍ തമിഴ്‌നാട്ടിലെ തിരുട്ട് ഗ്രാമത്തില്‍ നിന്നുള്ള സംഘമാണ് മോഷണത്തിന് പിന്നില്‍ എന്നാണ് പൊലിസ് സംശയിക്കുന്നത്.  ജനങ്ങള്‍ ജാഗരൂകരായിരിക്കണമെന്നും പൊലിസ് പറഞ്ഞു.