തൊടുപുഴ: കെ.എം.വൈ.എഫ് നേതൃത്വത്തില്‍ കാരിക്കോട് ബദര്‍ദിന അനുസ്മരണ സംഗമം സംഘടിപ്പിച്ചു. കാരിക്കോട് മുനവ്വിറുല്‍ ഇസ്‌ലാം മദ്‌റസ ഹാളില്‍ നടന്ന സംഗമം കെ.എം.വൈ.എഫ് സംസ്ഥാന വൈസ് പ്രസിഡന്റ് കടയ്ക്കല്‍ അബ്ദുറഷീദ് മൗലവി ഉദ്ഘാടനം ചെയ്തു.
എറണാകുളം ജില്ലാ പ്രസിഡന്റ് തൗഫീഖ് മൗലവി മുഖ്യപ്രഭാഷണം നടത്തി.  ബദറിന്റെ വിജയം ഐക്യത്തോടെ നീങ്ങിയ ഒരുപറ്റം മനുഷ്യര്‍ക്ക് സര്‍വ്വേശ്വരന്‍ നല്‍കിയ ദൈവിക സഹായമാണെന്ന് അദ്ദേഹം പറഞ്ഞു. ഐക്യം നഷ്ടപ്പെട്ട ആധുനിക മുസ്‌ലിമിനു പാഠമാണു ബദര്‍ വിജയമെന്നും അദ്ദേഹം അഭിപ്രായപ്പെട്ടു.
കെ.എം.വൈ.എഫ്  സംസ്ഥാന വൈസ് പ്രസിഡന്റ് പി.പി അബ്ദുല്‍ അസീസ് ഹാജി അധ്യക്ഷത വഹിച്ച സംഗമത്തില്‍ ദക്ഷിണ കേരള ജംഇയ്യത്തുല്‍ ഉലമ ജില്ലാ ട്രഷറര്‍ പി.എ സെയ്തു മുഹമ്മദ് മൗലവി  പ്രാര്‍ഥനക്കു നേതൃത്വം നല്‍കി. കെ.എം.വൈ.എഫ് ജില്ലാ പ്രസിഡന്റ് കെ. ഇ. എം സുബൈര്‍ മൗലവി, സിയാദ് മൗലവി, എസ്.എ സല്‍മാന്‍ തുടങ്ങിയവര്‍ സംസാരിച്ചു. യൂനിറ്റ് പ്രസിഡന്റ് വി.എ സുഫിയാന്‍ അലി സ്വാഗതവും ജന. സെക്രട്ടറി സബൂര്‍ മുണ്ടയ്ക്കല്‍ നന്ദിയും പറഞ്ഞു. സംഗമ ശേഷം നൈനാര്‍ പള്ളി ഓഡിറ്റേറിയത്തില്‍ സമൂഹ നോമ്പുതുറയും സംഘടിപ്പിച്ചു.