മറ്റൊരു മത്സരത്തില്‍ ബാംഗ്ലൂര്‍ റോയല്‍ ചലഞ്ചേഴ്‌സ് ഡല്‍ഹി ഡയര്‍ ഡെവിള്‍സിനെ തോല്‍പിച്ചു. നാലു വിക്കറ്റ് നഷ്ടത്തില്‍ ഡല്‍ഹി 181 റണ്‍സെടുത്തു. അഞ്ചു വിക്കറ്റ് നഷ്ടത്തില്‍ 184 റണ്‍സെടുത്ത് വിജയം വരിച്ചു. ഡിവില്ലേഴ്‌സിന്റെ മികച്ച ബാറ്റിങ്ങിന്റെ പിന്‍ബലത്തിലാണ് ബാംഗ്ലൂര്‍ ജയിച്ചത്. 37 പന്തില്‍ ഡിവില്ലേഴ്‌സ് 72 റണ്‍സെടുത്ത് ഔട്ടാകാതെ നിന്നു. 34 പന്തില്‍ നാലു സിക്‌സും അഞ്ചു ഫോറുമടക്കം 61 റണ്‍സ് നേടി റിഷഭ് പന്ത് മികച്ചു നിന്നു. ജെ. ജെ റോയിക്ക് 9 പന്തില്‍ 12 റണ്‍സ് മാത്രമേ നേടാനായുള്ളു. വിജയ് ശങ്കര്‍ 20 പന്തില്‍ നിന്ന് 21 റണ്‍സ് നേടി ഔട്ടകാതെ നിന്നു. 19 പന്തില്‍ നിന്ന് നാലു സിക്‌സറും മൂന്ന് ഫോറുമടക്കം അഭിഷേക് ശര്‍മ 46 റണ്‍സ് സ്വന്തമാക്കി. ശ്രേയസ് അയ്യര്‍ 35 പന്തില്‍ നിന്ന് മൂന്ന് ഫോര്‍ നേടി 32 റണ്‍സ് സ്വന്തമാക്കി. ചഹല്‍ നാല് ഓവറില്‍ 28 റണ്‍സ് വഴങ്ങി രണ്ട് വിക്കറ്റെടുത്തു. നാല് ഓവര്‍ എറിഞ്ഞ മുഈനലി 25 റണ്‍സ് വഴങ്ങി ഒരു വിക്കറ്റ് സ്വന്തമാക്കി. മൂന്ന് ഓവര്‍ എറിഞ്ഞ യാദവിന് വിക്കറ്റൊന്നും ലഭിക്കാതെ 28 റണ്‍സ് വഴങ്ങേണ്ടി വന്നു. ഗ്രാന്‍ഡം എറിഞ്ഞ ഒരു ഓവറില്‍ 12 റണ്‍സ് വഴങ്ങേണ്ടി വന്നു. മറുപടി ബാറ്റിങ്ങിനിറങ്ങിയ ബാംഗ്ലൂരിലെ മുഈന്‍ അലി മൂന്ന് പന്തില്‍ ഒരു റണ്‍സുമായി കളംവിട്ടു. ബോള്‍ട്ടിന്റെ പന്തില്‍ ഷാ ക്യാച്ച് ചെയ്താണ് മുഈന്‍ അലിയെ പുറത്താക്കിയത്. എട്ട് പന്തില്‍ നിന്ന് പാര്‍ഥിവ് പട്ടേല്‍ ആറ് റണ്‍സെടുത്തു. 40 പന്തില്‍ നിന്ന് മൂന്ന് സിക്‌സും ഏഴു ഫോറുമടക്കം 70 റണ്‍സ് നേടി ക്യാപ്റ്റര്‍ കോഹ്ലി മികച്ചു നിന്നു.