ബാലുശ്ശേരി: പനങ്ങാട് പഞ്ചായത്തിലെ പത്തു മുതല്‍ ഇരുപതു വരെയുള്ള വാര്‍ഡുകളില്‍ നടപ്പിലാക്കുന്ന കേരഗ്രാം പദ്ധതിയുടെ ഭാഗമായി തെങ്ങുകയറ്റ യന്ത്രത്തിന്റെ വിതരണവും പരിശീലനവും പനങ്ങാട് കൃഷിഭവനില്‍ നടത്തി.
തെങ്ങുകയറ്റ യന്ത്രത്തിന്റെ വിതരണോദ്ഘാടനം പഞ്ചായത്ത് വൈസ് പ്രസിഡന്റ് പി. ഉസ്മാന്‍ നിര്‍വഹിച്ചു. കെ. ശ്യാമള തെങ്ങുകയറ്റ പരിശീലനം നല്‍കി. കൃഷി ഓഫിസര്‍ കെ.വി നൗഷാദ്, കേരഗ്രാം പ്രസിഡന്റ് എം.എം പത്മനാഭന്‍, അസി. കൃഷി ഓഫിസര്‍ ബി.പി മുഹമ്മദ്‌കോയ പ്രസംഗിച്ചു.