ദേശമംഗലം: ആറങ്ങോട്ടുകരയില്‍ കൂട്ടം തെറ്റി നാട്ടിലിറങ്ങിയ ഭീമന്‍ കാട്ടുപന്നിയെ തെരുവ് നായ് കൂട്ടം ആക്രമിച്ച് കൊന്നു. മയിലാടി പാറയ്ക്ക് സമീപം താമസിയ്ക്കുന്ന പൂണോത്ത് ഗോപിയുടെ റബ്ബര്‍ എസ്റ്റേറ്റിലാണ് പന്നി ആക്രമണത്തിന് ഇരയായത്.  പന്നിയുടെ കരച്ചില്‍ കേട്ട് നാട്ടുകാര്‍ ഓടിയെത്തിയപ്പോള്‍  നിരവധി നായ്ക്കള്‍ പന്നിയെ വളഞ്ഞിട്ട് ആക്രമിയ്ക്കുകയായിരുന്നു. രക്ഷപ്പെടുത്താന്‍ ശ്രമിച്ചെങ്കിലും വിജയിച്ചില്ല. പൂങ്ങോട് നിന്നെത്തിയ വനപാലകര്‍ മേല്‍ നടപടികള്‍ സ്വീകരിച്ചു. മേഖലയില്‍ തെരുവ് നായ് ശല്യം വ്യാപകമാണ്.