തൃക്കരിപ്പൂര്‍: ഭര്‍ത്താവിന് ഐ.എസ് ബന്ധമുണ്ടെന്ന് പരാതി നല്‍കിയ യുവതി പൊലിസ് കസ്റ്റഡിയില്‍ തുടരുന്നു. അതേസമയം ഭര്‍ത്താവ് ഉത്തര്‍പ്രദേശ് സ്വദേശി ഇംറാനെ ഡല്‍ഹി പൊലിസിന്റെ സഹായത്തോടെ പിടികൂടി. പടന്ന എടച്ചാക്കൈ സ്വദേശിനിയായ യുവതിയാണ് എട്ടു മാസങ്ങള്‍ക്ക് മുന്‍പ് എറണാകുളം തേവര മുസ്തഫ നഗറില്‍ തെരുവോര വ്യാപാരിയായ യു.പി സ്വദേശി ഇംറാനെ വിവാഹം ചെയ്തിരുന്നത്. ഭര്‍ത്താവിനെ കാണാനില്ലെന്നും അദ്ദേഹത്തിന് ഐ.എസ് ബന്ധമുണ്ടെന്നും കാണിച്ച് യുവതി ആലുവ പൊലിസില്‍ പരാതി നല്‍കുകയായിരുന്നു. ഇതേതുടര്‍ന്നാണ് പൊലിസ് അന്വേഷണം ആരംഭിച്ചത്.
ഇമ്രാനെ വിമാന മാര്‍ഗം കൊച്ചിയിലെത്തിച്ച് രഹസ്യ കേന്ദ്രത്തില്‍ ചോദ്യം ചെയ്തുവരികയാണ്.