ബംഗളൂരു: കര്‍ണാടക നിയമസഭാ തെരഞ്ഞെടുപ്പില്‍ വോട്ടെണ്ണല്‍ പുരോഗമിക്കുമ്പോള്‍ ബി.ജെ.പിയാണ് മുന്നില്‍ നില്‍ക്കുന്നത്. കേവല ഭൂരിപക്ഷത്തിനോടടുക്കുന്ന നിലയിലാണ് ബി.ജെ.പിയെങ്കിലും തൂക്കുമന്ത്രിസഭക്കുള്ള സാധ്യത വിദ്ഗധര്‍ തള്ളിക്കളയുന്നില്ല.

അതിനിടെ സര്‍ക്കാര്‍ രൂപീകരിക്കാന്‍ കോണ്‍ഗ്രസ് ശ്രമം തുടങ്ങി.  കോണ്‍ഗ്രസ് നേതാവ് ഗുലാംനബി ആസാദ് ജെ.ഡി.എസ് നേതാവ് ദേവഗൗഡയുമായി ചര്‍ച്ച നടത്തി.

38 കേന്ദ്രങ്ങളിലായാണ് 222 മണ്ഡലങ്ങളിലെ വോട്ടെണ്ണല്‍ നടക്കുന്നത്. ബംഗളൂരു നഗരത്തില്‍ കോണ്‍ഗ്രസും ബിജെപിയും ഒപ്പത്തിനൊപ്പമാണ്. തീരദേശ മേഖലയില്‍ ബിജെപി മുന്നിലാണ്. മൈസൂര്‍ മേഖലയിലാകട്ടെ ജെഡിഎസാണ് ലീഡ് ചെയ്യുന്നത്.

2013ല്‍ 122 സീറ്റുകള്‍ നേടിയാണ് കോണ്‍ഗ്രസ് അധികാരത്തിലെത്തിയത്. ബിജെപിയും ജെഡിഎസും 40 വീതം സീറ്റുകളില്‍ വിജയിച്ചു.