കോടഞ്ചേരി: പഞ്ചായത്തിലെ തെയ്യപ്പാറയില്‍ കഴിഞ്ഞ ദിവസത്തെ കാറ്റിലും മഴയിലും നാശനഷ്ടങ്ങള്‍ ഉണ്ടായ സ്ഥലങ്ങള്‍ പഞ്ചായത്ത് പ്രസിഡന്റ് അന്നക്കുട്ടി ദേവസ്യയുടെ നേതൃത്വത്തിലുള്ള സംഘം സന്ദര്‍ശിച്ചു.
കര്‍ഷകരുടെ നിരവധി റബര്‍, വാഴ, തെങ്ങ്, മറ്റു മരങ്ങള്‍ എന്നിവയാണ് നശിച്ചത്. കണക്കെടുപ്പ് പൂര്‍ത്തിയായാല്‍ ഉടന്‍ റിപ്പോര്‍ട്ട് സമര്‍പ്പിക്കുമെന്ന് കൃഷി ഓഫിസര്‍ ഷബീര്‍ അഹമ്മദ് പറഞ്ഞു. വികസന സ്റ്റാന്റിങ് കമ്മിറ്റി ചെയര്‍പേഴ്‌സണ്‍ ചിന്ന അശോകന്‍, വാര്‍ഡ് മെംബര്‍ സജിനി രാമന്‍കുട്ടി, വാര്‍ഡ് കണ്‍വീനര്‍ ഇബ്രാഹിം തട്ടൂര്‍, കൃഷി ഉദ്യോഗസ്ഥരായ കെ. രാജേഷ്, കെ. സലീന, അബ്രഹാം തണൊലി മാലില്‍ എന്നിവര്‍ സംഘത്തിലുണ്ടായിരുന്നു.