പുത്തനത്താണി: ജാമ്യത്തിലിറങ്ങി മുങ്ങിയ കഞ്ചാവു കേസിലെ പ്രതിയെ കല്‍പകഞ്ചേരി പൊലിസ് പിടികൂടി. പൊന്മുണ്ടം സ്വദേശി മേലേപീടിയേക്കല്‍ ഷരീഫി(36)നെയാണ് കല്‍പകഞ്ചേരി പൊലിസ് പിടികൂടിയത്. 2010 ല്‍ കഞ്ചാവ് വില്‍പനക്കിടയില്‍ പിടികൂടി കോടതിയിലാക്കിയ ഷരീഫ് ജാമ്യത്തിലറങ്ങി മുങ്ങുകയായിരുന്നു.
കുറ്റിപ്പുറം, പട്ടാമ്പി എന്നിവിടങ്ങളിലെ ഭാര്യമാരൊത്തും വിദേശത്തും ഒളിവില്‍ കഴിയുകയായിരുന്ന ഷരീഫിനെ കരുവാരകുണ്ടിലുള്ള ഭാര്യവീട്ടില്‍നിന്നും കല്‍പകഞ്ചേരി എസ്.ഐ ഷണ്‍മുഖന്‍, എ.എസ്.ഐ സുകീഷ് കുമാര്‍, സജു, റസാഖ്, കരുവാരകുണ്ട് സി.പി.ഒ സെബാസ്റ്റ്യന്‍ എന്നിവരടങ്ങുന്ന പൊലിസ് സംഘം പിടികൂടുകയായിരുന്നു. പ്രതിയെ വടകര സ്‌പെഷ്യല്‍ കോടതിയില്‍ ഹാജരാക്കി റിമാന്‍ഡ് ചെയ്തു.