മനാമ: സമസ്ത കേരള ഇസ്‌ലാം മത വിദ്യഭ്യാസ ബോര്‍ഡ് അഞ്ച്, ഏഴ്, പത്ത്, പ്ലസ് ടു ക്ലാസുകളിലായി നടത്തിയ പൊതു പരീക്ഷയില്‍ ബഹ്‌റൈന്‍ റെയ്ഞ്ചിലെ മദ്‌റസകള്‍ നൂറു ശതമാനം വിജയം കൈവരിച്ചതായി ബന്ധപ്പെട്ടവര്‍ അറിയിച്ചു. ബഹ്‌റൈനിലെ മനാമ, റഫ, മുഹറഖ്, ഹൂറ, ജിദാലി, ഗുദൈബിയ, ഹിദ്ദ്, ഹമദ് ടൗണ്‍ ഭാഗങ്ങളിലായി പ്രവര്‍ത്തിക്കുന്ന മദ്‌റസകളില്‍ പരീക്ഷക്കിരുന്ന 142 വിദ്യാര്‍ത്ഥികളും വിജയിച്ചിട്ടുണ്ട്.ഇതോടൊപ്പം, മനാമ ഇര്‍ശാദുല്‍ മുസ്‌ലിമീന്‍ മദ്‌റസ, ഗുദൈബിയ അല്‍ ഹുദാത അ്‌ലീമുല്‍ ഖുര്‍ആന്‍ മദ്‌റസ, റഫ മജ്‌ലിസുത്തഅ്‌ലീമുല്‍ ഖുര്‍ആന്‍ മദ്‌റസ എന്നീ മദ്‌റസകളിലെ വിദ്യാര്‍ത്ഥികള്‍ റെയ്ഞ്ച് അടിസ്ഥാനത്തില്‍ റാങ്ക് ജേതാക്കളും ആയിട്ടുണ്ട്.

ബഹ്‌റൈന്‍ റെയ്ഞ്ച് തലത്തില്‍ അഞ്ചാം ക്ലാസില്‍ ഗുദൈബിയ മദ്‌റസയിലെ നാസിഫ് എം.പി ഒന്നാം സ്ഥാനവും അമല്‍ മുസ്തഫ രണ്ടാം സ്ഥാനവും റഫ മദ്‌റസയിലെ ഹിബ മെഹ്‌റിന്‍ മൂന്നാംസ്ഥാനവും കരസ്ഥമാക്കി. ഏഴാം ക്ലാസില്‍ മനാമ മദ്‌റസയിലെ നജാ ഫാത്തിമ ഒന്നാംസ്ഥാനവും ഗുദൈബിയമദ്‌റസയിലെ മുഹമ്മദ് അഫ്രീദി രണ്ടാംസ്ഥാനവും അര്‍ശിന മൂന്നാംസ്ഥാനവും കരസ്ഥമാക്കി. പത്താം ക്ലാസില്‍ മനാമ മദ്‌റസയിലെ ബാസില ബശീര്‍ ഒന്നാംസ്ഥാനവും ഹിബ ബശീര്‍ രണ്ടാംസ്ഥാനവും നശ്വ അബ്ദുറസാഖ് മൂന്നാംസ്ഥാനവും നേടി.

പ്ലസ് ടുവിഭാഗത്തില്‍ മനാമ മദ്‌റസയിലെ ഇസ്മാഈല്‍ അശ്‌റഫ് ഒന്നംസ്ഥാനവും ആശിഫ മുഹമ്മദ് രണ്ടാംസ്ഥാനവും ശഫ്‌ന ഹസന്‍ മൂന്നാംസ്ഥാനവും കരസ്ഥമാക്കി.വിജയികളെ സമസ്ത ബഹ്‌റൈന്‍ കേന്ദ്ര ഏരിയ ഭാരവാഹികള്‍, റെയ്ഞ്ച് ജംഇയ്യത്തുല്‍ മുഅല്ലിമീന്‍, ബഹ്‌റൈന്‍ എസ്.കെ.എസ്.എസ്.എഫ്, അദ്ധ്യാപകര്‍ എന്നിവര്‍ അഭിനന്ദിച്ചു.
റമദാന്‍ അവധിക്കു ശേഷം ജുലൈ 16ന് മദ്‌റസകള്‍ തുറന്ന് പ്രവര്‍ത്തിക്കുമെന്ന് റെയ്ഞ്ച് ജംഇയ്യത്തുല്‍ മുഅല്ലിമീന്‍ ഭാരവാഹികള്‍ അറിയിച്ചു. മദ്‌റസ അഡ്മിഷനും കൂടുതല്‍ വിവരങ്ങള്‍ക്കും +97334090450(മനാമ), +97334192897 (മുഹറഖ്), +97333051480(ഹിദ്ദ്), +97333860509(ഹൂറ), +97333257944(ഗുദൈബിയ), +97333767471(ഈസ്റ്റ് റഫ), +97335512277(ഹമദ്ടൗണ്‍) +97333486275(ജിദാലി)എന്നീ നമ്പറുകളില്‍ ബന്ധപ്പെടാവുന്നതാണ്.