പെരിന്തല്‍മണ്ണ: കേരളാ നിയമസഭാ സ്പീക്കര്‍ പി. ശ്രീരാമകൃഷ്ണന്‍ അലിഗഢ് മലപ്പുറം കേന്ദ്രം സന്ദര്‍ശിച്ചു. കേന്ദ്രം ഡയറക്ടര്‍ പ്രൊഫ. കെ.എം അബ്ദുര്‍ റഷീദിന്റെ നേതൃത്വത്തില്‍ അധ്യാപക-അനധ്യാപക ജീവനക്കാരും വിദ്യാര്‍ഥികളും ചേര്‍ന്ന് സ്വീകരണം നല്‍കി. കേരളത്തിന്റെ മതേതര ഭൂമികയില്‍ അലിഗഢ് മുസ്‌ലിം യൂനിവേഴ്‌സിറ്റി ഉയര്‍ത്തിപ്പിടിക്കുന്ന ബഹുസ്വരതയും മൂല്യങ്ങളും ഏറെ പ്രസക്തമാണെന്ന് അദ്ദേഹം പറഞ്ഞു.  സ്വപ്ന പദ്ധതിയായ അലിഗഢ് മലപ്പുറം കേന്ദ്രത്തിന്റെ വികസനത്തിനു വേണ്ടി തിരുവനന്തപുരത്ത് ഉന്നതതല യോഗം സംഘടിപ്പിക്കുമെന്ന് കേന്ദ്രം ഡയറക്ടര്‍ പ്രൊഫ. കെ.എം അബ്ദുര്‍ റഷീദ് പറഞ്ഞു.
      ടി. അഫ്‌സാര്‍ ബാബു, അസിസ്റ്റന്റ് റജിസ്ട്രാര്‍ അഹസംഖാന്‍ സംസാരിച്ചു.