ചെന്നൈ: എ.ഐ.എ.ഡി.എം.കെയുടെ രണ്ടില ചിഹ്നം മരവിപ്പിച്ചു കൊണ്ട് കേന്ദ്ര തെരഞ്ഞെടുപ്പ് കമ്മിഷന്‍ ഉത്തരവിട്ടു.

ആര്‍.കെ നഗറില്‍ നടക്കുന്ന ഉപതെരഞ്ഞെടുപ്പില്‍ ചിഹ്നം ആവശ്യപ്പെട്ട് പാര്‍ട്ടിയിലെ പനീര്‍ശെല്‍വം വിഭാഗവും ശശികല വിഭാഗവും എത്തിയതോടെയാണിത്. ഇതോടെ ആര്‍.കെ നഗറില്‍ രണ്ടില ചിഹ്നത്തില്‍ ആര്‍ക്കും മത്സരിക്കാനാവില്ല.

വ്യാഴാഴ്ചയാണ് ഇവിടെ നാമനിര്‍ദേശ പത്രിക സമര്‍പ്പിക്കേണ്ടത്. ഈ അവസരത്തിലാണ് ഇക്കാര്യത്തില്‍ രാത്രി വൈകി തെരഞ്ഞെടുപ്പ് കമ്മിഷന്‍ ഉത്തരവു പുറപ്പെടുവിച്ചത്.