അതിരമ്പുഴ :എം.ജി സര്‍വ്വകലാശാലാ ആഗോള ജൈവ സംഗമത്തോടനുബന്ധിച്ച് നടത്തിയ 'ജൈവം' ചിത്രകലാ ക്യാമ്പില്‍ ചെയ്ത പെയിന്റിംഗുകളുടെ പ്രദര്‍ശനം 24 മുതല്‍ 28 വരെയുള്ള അഞ്ചു ദിവസങ്ങളിലായി കോട്ടയം പബ്ലിക് ലൈബ്രറി ആര്‍ട്ട് ഗാലറിയില്‍ നടക്കും.
24ന് വൈകീട്ട് നാലിന് എം.ജി സര്‍വ്വകലാശാലാ വൈസ് ചാന്‍സലര്‍ ഡോ. ബാബു സെബാസ്റ്റ്യന്‍ പ്രദര്‍ശനം ഉദ്ഘാടനം ചെയ്യും. എം.ജി സര്‍വ്വകലാശാലാ രജിസ്ട്രാറും 'ജൈവം' പ്രോജക്ട് കണ്‍വീനറുമായ എം.ആര്‍.ഉണ്ണി, സിന്‍ഡിക്കേറ്റംഗം പി.കെ. ഹരികുമാര്‍, സി.എം.എസ്. കോളേജ് പ്രിന്‍സിപ്പല്‍ ഡോ. റോയി സാം ഡാനിയേല്‍ എന്നിവര്‍ ചടങ്ങില്‍ പങ്കെടുക്കും.
കാരയ്ക്കാമണ്ഡപം വിജയകുമാര്‍ (തിരുവനന്തപുരം), ഡോഡ്‌സി ആന്റണി (തിരുവനന്തപുരം), ജി. ഉണ്ണികൃഷ്ണന്‍ (മാവേലിക്കര), ഷിജോ ജേക്കബ് (ചങ്ങനാശ്ശേരി), ടി.ആര്‍. ഉദയകുമാര്‍ (കോട്ടയം), എം.ടി. ജയലാല്‍ (കോട്ടയം), ടി.എസ്. പ്രസാദ് (കോട്ടയം), ബിജു.സി. ഭരതന്‍ (കോട്ടയം), വി.എസ്. മധു (കോട്ടയം), പി.എം യേശുദാസ് (കോട്ടയം), അമീന്‍ ഖലീല്‍ (ആലപ്പുഴ), നന്ദന്‍ പി.വി. (എറണാകുളം), സജിത്ത് പുതുക്കലവട്ടം (എറണാകുളം), സുരേന്ദ്രന്‍ (എറണാകുളം), ദിനേശ് പി.ജി. (തൃശ്ശൂര്‍), ബൈജു ദേവ് (പാലക്കാട്), അശോക് കുമാര്‍ ഗോപാലന്‍ (മലപ്പുറം) ഷാജി കേശവ് (മലപ്പുറം), ജഗേഷ് എടക്കാട് (കണ്ണൂര്‍), ബബിത കടന്നപ്പള്ളി (കണ്ണൂര്‍) തുടങ്ങി കേന്ദ്ര സംസ്ഥാന അവാര്‍ഡുകള്‍ നേടിയവരുള്‍പ്പെടെ 40 ചിത്രകാരന്മാരാണ് ഈ പ്രദര്‍ശനത്തിലുള്ളത്. 28ന് പ്രദര്‍ശനം സമാപിക്കും.