ആലപ്പുഴ: ചെങ്ങന്നൂര്‍ ഉപതിരഞ്ഞെടുപ്പില്‍ എസ്.എന്‍.ഡി.പിയുടെ നിലപാട് പ്രഖ്യാപിച്ച് ജനറല്‍ സെക്രട്ടറി വെള്ളാപ്പള്ളി നടേശന്‍. മൂന്ന് മുന്നണികളോടും സമദൂരം സ്വീകരിക്കാന്‍ തീരുമാനിച്ചതായി വെള്ളാപ്പള്ളി നടേശന്‍ പറഞ്ഞു.

ഇത് മനസ്സാക്ഷിവോട്ടോ സമദൂരമോ അല്ല, സമദൂരത്തിലും ഒരു ദൂരമുണ്ട്. യോഗനിലപാടുകളോട് സഹകരിക്കുന്നവര്‍ക്ക് വോട്ട് ചെയ്യും. എസ്.എന്‍.ഡി.പിയോട് കൂറു പുലര്‍ത്തുന്ന മുന്നണികള്‍ക്ക് വോട്ട് ചെയ്യുന്ന കാര്യം അതത് യൂനിയനുകള്‍ക്ക് സ്വന്തം നിലയില്‍ തീരുമാനിക്കാമെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു.

ആരു ജയിച്ചാലും തോറ്റാലും അവകാശപ്പെടില്ല, പിന്തുണ രാഷ്ട്രീയം നോക്കിയല്ല. മുമ്പ് പ്രചാരണത്തില്‍ സജി ചെറിയാനായിരുന്നു മുന്നില്‍, ഇപ്പോള്‍ ത്രികോണമല്‍സരമാണ്. യുഡിഎഫിനെ പിന്തുണച്ച കെ.എം. മാണിയുടെ നിലപാട് ലജ്ജാകരമെന്നും വെള്ളാപ്പള്ളി കൂട്ടിച്ചേര്‍ത്തു