തിരുവനന്തപുരം: വട്ടിയൂർക്കാവ് നിയമസഭാ മണ്ഡലത്തിൽ ബിജെപി സ്ഥാനാർത്ഥിയായി മുൻ ഐപിഎസ് ഉദ്യോഗസ്ഥ ആർ. ശ്രീലേഖ മത്സരിക്കും. നിലവിൽ ബിജെപി സംസ്ഥാന വൈസ് പ്രസിഡന്റും ശാസ്തമംഗലം വാർഡ് കൗൺസിലറുമാണ് ശ്രീലേഖ. നാളെ രാവിലെ 10.30-ന് നർമ്മദ കോംപ്ലക്സിന് സമീപം ചുവരെഴുതിക്കൊണ്ട് ശ്രീലേഖ തിരഞ്ഞെടുപ്പ് പ്രചാരണം ഔദ്യോഗികമായി ആരംഭിക്കും.

ALSO READ: രാഹുൽ മാങ്കൂട്ടത്തിലിനെതിരായ കേസ്: തെളിവെടുപ്പിൽ വീഴ്ച; ഡിവൈഎസ്പിക്ക് സസ്‌പെൻഷൻ

കഴിഞ്ഞ ലോക്‌സഭാ, തദ്ദേശ സ്വയംഭരണ തിരഞ്ഞെടുപ്പുകളിൽ ബിജെപിക്ക് വലിയ മുന്നേറ്റം നടത്താൻ സാധിച്ച മണ്ഡലമാണ് വട്ടിയൂർക്കാവ്. അതുകൊണ്ട് തന്നെ വലിയ പ്രതീക്ഷയാണ് പാർട്ടിക്കുള്ളത്.

നാളെ നടക്കുന്ന ചടങ്ങിൽ ബിജെപി സംസ്ഥാന വൈസ് പ്രസിഡന്റ് കെ. സോമൻ, ജില്ലാ പ്രസിഡന്റ് കരമന ജയൻ എന്നിവരും സാമൂഹിക രംഗത്തെ പ്രമുഖരും പങ്കെടുക്കും.

Former IPS officer and BJP State Vice President R Sreelekha is set to contest in Vattiyoorkavu assembly elections. She'll officially launch her campaign tomorrow at 10:30 am near Narmada Complex with a wall-writing event.