മലപ്പുറം: മെട്രോമാന്‍ ഡോ. ഇ. ശ്രീധരന്‍ 26ന് മലപ്പുറത്തെത്തും. രാജീവ് ഗാന്ധി സെന്ററിന്റെ രാജീവ് അനുസ്മരണ സമ്മേളനത്തോടനുബന്ധിച്ചുള്ള ചടങ്ങിലാണ് പങ്കെടുക്കുക.
ഇതോടനുബന്ധിച്ച് പ്രിയദര്‍ശിനി കോളജിലെ തെരഞ്ഞെടുക്കപ്പെട്ട 30 വിദ്യാര്‍ഥികളുമായി ശ്രീധരന്‍ സംവദിക്കും. തുടര്‍ന്ന് ശ്രീധരനെ കെ.പി.സി.സി മുന്‍ പ്രസിഡന്റ് വി.എം സുധീരന്‍ ഉപഹാരം നല്‍കി ആദരിക്കും. എം.എല്‍.എമാരായ എ.പി അനില്‍കുമാര്‍, പി. ഉബൈദുല്ല, മുന്‍മന്ത്രി ആര്യാടന്‍ മുഹമ്മദ്, ഡി.സി.സി പ്രസിഡന്റ് വി.വി പ്രകാശ് പങ്കെടുക്കും.
വാര്‍ത്താസമ്മേളനത്തില്‍ സെന്റര്‍ പ്രസിഡന്റ് ഇ. മുഹമ്മദ് കുഞ്ഞി, സെക്രട്ടറി പി.സി വേലായുധന്‍ കുട്ടി, മുന്‍ നഗരസഭാ വൈ. ചെയര്‍പേഴ്‌സണ്‍ കെ.എം ഗിരിജ, പി.ടി ജോര്‍ജ് പങ്കെടുത്തു.