പേരാമ്പ്ര: നൊച്ചാട് ഹയര്‍ സെക്കന്‍ഡറി സ്‌കൂളിലെ ഹ്യൂമാനിറ്റീസ് ബാച്ച് പൂര്‍വ വിദ്യാര്‍ഥി സംഗമം ഇന്നു നടക്കും. ഉച്ചയ്ക്ക് രണ്ടിനു സ്‌കൂള്‍ ഹാളില്‍ നടക്കുന്ന സംഗമം പ്രമുഖ നാടക പ്രവര്‍ത്തകന്‍ മുഹമ്മദ് പേരാമ്പ്ര ഉദ്ഘാടനം ചെയ്യും. പ്രിന്‍സിപ്പല്‍ സി. അബ്ദുറഹിമാന്‍ അധ്യക്ഷനാകും. വിരമിക്കുന്ന അധ്യാപകര്‍ക്കുള്ള ഉപഹാരം മുന്‍ പ്രിന്‍സിപ്പല്‍ എം.വി രാഘവന്‍ മാസ്റ്ററും പൊന്നാട അണിയിക്കല്‍ സി.എച്ച് കുഞ്ഞിപക്രന്‍, ഇ.കെ കമലാദേവി എന്നിവര്‍ നിര്‍വഹിക്കും. പൂര്‍വവിദ്യാര്‍ഥി സംഘടനയുടെ പ്രവര്‍ത്തന പരിപാടികള്‍ പി.സി മുഹമ്മദ് സിറാജ് അവതരിപ്പിക്കും. അഭിലാഷ് വെള്ളിയൂരിന്റെ നേതൃത്വത്തില്‍ ഗസല്‍ വിരുന്നും അരങ്ങേറും.