കണ്ണൂര്‍: കണ്ണൂര്‍ ജില്ലാ കലക്ടര്‍ പി ബാലകിരണിന് അജ്ഞാതന്റെ ഭീഷണിക്കത്ത്. കലക്ടറേറ്റും താവക്കരയിലെ ഭാരത് പെട്രോളിയം കോര്‍പ്പറേഷന്റെ ടാങ്കും തകര്‍ക്കുമെന്നാണ് ഭീഷണി. തപാലിലൂടെയാണ് കത്ത് ലഭിച്ചത്. ആരാണ് കത്തയച്ചതെന്ന് സൂചനയില്ല.

'ഇവിടെ കര്‍ഷകരെ ജപ്തി ചെയ്യുന്ന നടപടിയില്‍ പ്രതിഷേധിച്ച് കലക്ടറേറ്റും താവക്കരയിലെ ഭാരത് പെട്രോളിയം കോര്‍പറേഷന്‍ ടാങ്കും തകര്‍ക്കും' എന്നാണ് നാലുവരിയിലുള്ള കത്തിലുള്ളത്. കത്ത് കലക്ടര്‍ ജില്ലാ പൊലിസ് സൂപ്രണ്ടിനു കൈമാറി. സംഭവത്തില്‍ പൊലിസ് അന്വേഷണമാരംഭിച്ചു.