കൊണ്ടോട്ടി: മിശ്രിത രൂപത്തിലാക്കി ഒളിപ്പിച്ചു കടത്തിയ 28.99 ലക്ഷത്തിന്റെ സ്വര്‍ണം കരിപ്പൂര്‍ എയര്‍ കസ്റ്റംസ് ഇന്റലിജന്‍സ് പിടികൂടി. കണ്ണൂര്‍ സ്വദേശി ആകാശില്‍ (24) നിന്നാണ് സ്വര്‍ണം പിടികൂടിയത്. ഇന്നലെ ദോഹയില്‍ നിന്ന് ഖത്തര്‍ എയര്‍വേയ്‌സ് വിമാനത്തിലാണ് ഇയാള്‍ കരിപ്പൂരിലെത്തിയത്.
ധരിച്ചിരുന്ന വസ്ത്രത്തില്‍ 1805 ഗ്രാം മിശ്രിതമാണ് ഒളിപ്പിച്ചിരുന്നത്. ഇതില്‍ നിന്നാണ് 918 ഗ്രാം സ്വര്‍ണം വേര്‍തിരിച്ചെടുത്തത്. ഇയാളെ അറസ്റ്റ് ചെയ്തതിന് ശേഷം ജാമ്യത്തില്‍ വിട്ടു.