കൊടുവള്ളി: കൊടുവള്ളി ജി.എം.എല്‍.പി സ്‌കൂളിന്റെ നവതി ആഘോഷങ്ങളുടെ സമാപനം നാളെ ഉച്ചക്ക് 12.30 ന് വിദ്യാഭ്യാസ മന്ത്രി സി.രവീന്ദ്രനാഥ് ഉദ്ഘാടനം ചെയ്യുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. സുവനീറിന്റെ പ്രകാശനവും സ്‌കൂള്‍ ആര്‍ട്‌സ് ക്യാംപസ് സമര്‍പ്പണവും മന്ത്രി നിര്‍വഹിക്കും. കാരാട്ട് റസാഖ്. എം.എല്‍.എ അധ്യക്ഷനാകും. പി.ടി.എ റഹീം എം.എല്‍.എ, കൊടുവള്ളി നഗരസഭാ ചെയര്‍പേഴ്‌സണ്‍ ശരീഫാ കണ്ണാടിപ്പോയില്‍ എന്നിവര്‍ പങ്കെടുക്കും. എഴുത്തുകാരനായ എം.പി.എ കാദറിന്റെ നേതൃത്വത്തില്‍ തയാറാക്കിയ സുവനീറില്‍ കൊടുവള്ളിയുടെ കഴിഞ്ഞകാലത്തെ പ്രധാന സംഭവ വികാസങ്ങളോടൊപ്പം കൊടുവള്ളിയുടെ വികസന സങ്കല്‍പ്പങ്ങളും ഉള്‍കൊള്ളിച്ചിട്ടു@ണ്ട്.  വാര്‍ത്താ സമ്മേളനത്തില്‍ നഗരസഭാ സ്ഥിരം സമിതി ചെയര്‍മാന്‍ കെ.ശിവദാസന്‍, കൗണ്‍സിലര്‍മാരായ ഒ.പി റസാഖ്, ഇ.സി മുഹമ്മദ്, പ്രധാനാധ്യാപകന്‍ എം.പി മൂസ്സ, പി.ടി.എ പ്രസിഡന്റ് ആര്‍.സി ശരീഫ്, എം.പി.എ കാദര്‍ എന്നിവര്‍ പങ്കെടുത്തു.