ചെങ്ങന്നൂര്‍: ചെങ്ങന്നൂരിലെ ജനത തനിക്ക് നല്‍കിയ ചരിത്ര വിജയം ജാതി മത വര്‍ഗ്ഗീയ ശക്തികള്‍ക്കെതിരായ വിധിയെഴുത്തും പിണറായി ഗവണ്‍മെന്റിന്റ് ഭരണത്തിനുള്ള അഗീകാരമാണെന്നും സജി ചെറിയാന്‍ പറഞ്ഞു.
നിയോജക മണ്ഡലത്തിലെ സമസ്ത വിഭാഗത്തിലുള്ള ആളുകളുടെയും പിന്തുണ തനിക്ക് ലഭിച്ചിട്ടുണ്ട്. സ്ഥാനാര്‍ത്ഥിത്വം തീരുമാനിച്ച നാള്‍ മുതല്‍ തനിക്കും എല്‍ ഡി എഫി നുമെതിരെ അഴിച്ചുവിട്ട കുപ്രചരണങ്ങള്‍ക്ക് ജനങ്ങള്‍ ചുട്ട മറുപടിയാണ് ബാലറ്റിലൂടെ നല്‍കിയിരിക്കുന്നത്.
കഴിഞ്ഞ മൂന്നു മാസക്കാലം ത്യാഗപൂര്‍ണ്ണമായ പ്രവര്‍ത്തനമാണ് ചെങ്ങന്നൂരില്‍ നടത്തിയത്.ഇതിന്റെ ഫലമാണ് ചെങ്ങന്നൂരിലെ ചരിത്ര വിജയം. ഈ വിജയം സമ്മാനിച്ച ചെങ്ങന്നൂരിലെ സമ്മതിദായകരോടുള്ള ഹൃദയം നിറഞ്ഞ നന്ദി സമര്‍പ്പിക്കുന്നതായും ചെങ്ങന്നൂരിന്റെ വികസനത്തിനായി ഒന്നിച്ച് മുന്നേറാമെന്നും സജി ചെറിയാന്‍ അറിയിച്ചു.