പാലക്കാട്: ഏപ്രില്‍ 14 മുതല്‍ 16 വരെ മണ്ണാര്‍ക്കാട് നടക്കുന്ന എസ്.കെ.എസ്.എസ്.എഫ് പാലക്കാട് ജില്ലാ മദീനപാഷന്റെ ഭാഗമായി ത്വലബവിങ് ആഭിമുഖ്യത്തില്‍ ഏപ്രില്‍ ഒന്നിന് കാലത്ത് ഒന്‍പതു മുതല്‍ വൈകിട്ട് അഞ്ചുവരെ ആലൂരില്‍ നടക്കുന്ന ജില്ലാ ത്വലബാ കോണ്‍ഫ്രന്‍സില്‍ ജില്ലയിലെ ദര്‍സ്, അറബിക് കോളജുകളിലെ മുഴുവന്‍ വിദ്യാര്‍ഥികളേയും പങ്കെടുപ്പിച്ച് വന്‍വിജയമാക്കാന്‍ ജംഇയ്യത്തുല്‍ മുദരിസ്സിന്‍ നേതൃത്വം മുദിരിസ്സുമാരോട് ആവശ്യപ്പെട്ടു.
വിദ്യാര്‍ഥികള്‍ കൃത്യമായി കോണ്‍ഫ്രന്‍സില്‍ പങ്കെടുക്കുന്നുവെന്ന് ഉറപ്പാക്കണമെന്നും ജില്ലാ സമിതിയോഗം ആവശ്യപ്പെട്ടു. ജില്ലാ പ്രസിഡന്റ് സയ്യിദ് അബ്ദുറഹിമാന്‍ ജിഫ്‌രി വല്ലപ്പുഴ അധ്യക്ഷനായി. ജി.എം സ്വലാഹുദ്ധീന്‍ ഫൈസി, സ്വാലിഹ് ഫൈസി കുളപ്പറമ്പ്, അബൂബക്കര്‍ ഫൈസി പള്ളികുന്ന്, ഹക്കീം ഫൈസി തുപ്പനാട്, ആബൂസ്വാലിഹ് അന്‍വരി, ശറഫുദ്ധീന്‍ അന്‍വരി, സക്കീര്‍ ഹുസൈന്‍ അന്‍വരി സംബന്ധിച്ചു.
സി. മുഹമ്മദ്കുട്ടി ഫൈസി സ്വാഗതവും അശ്‌റഫ് ഫൈസി കുന്തിപ്പുഴ നന്ദിയും പറഞ്ഞു.