ലിസ്ബന്‍: സൂപ്പര്‍ താരം ക്രിസ്റ്റ്യാനോ റൊണാള്‍ഡോയെ ആദരിക്കാന്‍ പോര്‍ച്ചുഗീസ് വിമാനത്താവളത്തില്‍ സ്ഥാപിച്ച അര്‍ധകായ പ്രതിമ സോഷ്യല്‍ മീഡിയയില്‍ പരിഹാസ വിഷയമാകുന്നു. പ്രിയ താരത്തിന്റെ പ്രതിമ വികലമാക്കിയെന്നു പലരും നവ മാധ്യമങ്ങളിലൂടെ പ്രതികരിച്ചു.
വെങ്കലത്തില്‍ തീര്‍ത്ത സ്വന്തം പ്രതിമ പോര്‍ച്ചുഗല്‍ പ്രസിഡന്റും പ്രധാനമന്ത്രിയും പങ്കെടുത്ത ചടങ്ങില്‍ റൊണാല്‍ഡോ തന്നെയാണു അനാച്ഛാദനം ചെയ്തത്. താരത്തോടുള്ള ആദര സൂചകമായി വിമാനത്താവളത്തിനു ക്രിസ്റ്റ്യാനോ റൊണാള്‍ഡോ എയര്‍പോര്‍ട്ട് എന്ന പേരും നല്‍കി.