മണ്ണഞ്ചേരി: സമസ്ത ഇസ്‌ലാം മത വിദ്യാഭ്യാസ ബോര്‍ഡിന് കീഴില്‍ പ്രവര്‍ത്തിക്കുന്ന അല്‍ബിര്‍റ് ഇസ്്‌ലാമിക് പ്രീ സ്‌കൂളിന്റെ ആലപ്പുഴ ജില്ലയിലെ ആദ്യ സംരഭത്തിന് മണ്ണഞ്ചേരിയില്‍ സാക്ഷാത്കാരം.
ചിയാംവെളി ഇര്‍ഷാദുല്‍ ഇസ്്‌ലാം ജുമാ മസ്ജിദ് കമ്മിറ്റിയുടെ നേതൃത്വത്തില്‍ ആരംഭിക്കുന്ന സ്‌കൂളിന്റെ പ്രവേശനോത്സവം ഇന്ന് നടക്കും. രാവിലെ പത്തിന് സമസ്ത ജില്ലാ പ്രസിഡന്റ് സി. മുഹമ്മദ് അല്‍ ഖാസിമി ഉദ്ഘാടനം നിര്‍വഹിക്കും. കമ്മിറ്റി പ്രസിഡന്റ് ഇ.എ യൂസുഫ് അധ്യക്ഷനാകും. മണ്ണഞ്ചേരി പഞ്ചായത്ത് പ്രസിഡന്റ് എം.എസ് സന്തോഷ് മുഖ്യാഥിതിയാവും. സി.എസ് സഫീര്‍ മുസ്്‌ലിയാര്‍ പ്രാരംഭ പ്രാര്‍ഥനയും സി.എ സക്കീര്‍ ഹുസൈന്‍ അല്‍ അസ്ഹരി മുഖ്യ പ്രഭാഷണവും നടത്തും. മുഹമ്മദ് ഹനീഫാ ബാഖവി , ടി.എച്ച് ജഅ്ഫര്‍ മൗലവി, കുന്നപ്പള്ളി മജീദ്, എം.എ അബൂബക്കര്‍ കുഞ്ഞാശാന്‍, എ മുഹമ്മദ് കുഞ്ഞ് നികര്‍ത്തില്‍, എസ്.എം.ജെ അബൂബക്കര്‍ ഹാജി, എം. മുജീബ് റഹ്മാന്‍, ടി.എ അലിക്കുഞ്ഞാശാന്‍, കമ്മിറ്റി അംഗങ്ങള്‍ പങ്കെടുക്കും.
ജനല്‍ സെക്രട്ടറി ടി.എച്ച് നാസര്‍ സ്വാഗതവും ട്രഷറര്‍ എസ്. മുഹമ്മദ് സ്വാലിഹ് നന്ദിയും പറയും. മതവിദ്യാഭ്യാസ രംഗത്ത് സമസ്ത നടത്തി വരുന്ന കാലോചിത കാല്‍വയ്പ്പുകളിലൊന്നായ അല്‍ബിര്‍റ് സമന്വയ വിദ്യാഭ്യാസത്തിന്റെ മാറുന്ന മുഖമാണ്.