ദുബായ്: കൊവിഡ്-19 ന്റെ പശ്ചാത്തലത്തില്‍ ദുബായ് വേള്‍ഡ് എക്‌സ്‌പോ-2020 മാറ്റിവച്ചതായി ബ്യൂറോ ഇന്റര്‍ നാഷണല്‍ എക്‌പോസിഷന്‍ (ബി.ഐ.ഇ) അറിയിച്ചു. യു.എ.ഇ ഗവണ്‍മെന്റിന്റെ നിര്‍ദേശ പ്രകാരമാണ് ഈ തീരുമാനമെന്ന് ഖലീജ് ടൈംസ് റിപ്പോര്‍ട്ട് ചെയ്തു.

2021 ഒക്ടോബര്‍ 01 മുതല്‍ 2022 മാര്‍ച്ച് 31 വരെ എക്‌സ്‌പോ നടത്താനാണ് പുതിയ നിര്‍ദേശം. ഏപ്രില്‍ 21 ലെ എക്‌സിക്യൂട്ടീവ് മീറ്റിനു ശേഷം ഔദ്യോഗിക പ്രഖ്യാപനം നടത്തുമെന്നും ബി.ഐ.ഇ സെക്രട്ടറി ജനറല്‍ അറിയിച്ചു.

2020 ഒക്ടോബര്‍ 20 മുതല്‍ 2021 ഏപ്രില്‍ 10 വരെയാണ് നേരത്തെ നിശ്ചയിച്ചിരുന്ന തിയ്യതി. ദുബായുടെ സ്വപ്‌നപദ്ധതിക്കു വേണ്ടി വര്‍ഷങ്ങളായി ഒരുക്കങ്ങള്‍ നടത്തിവരികയായിരുന്നു. അവസാനഘട്ട ഒരുക്കങ്ങള്‍ക്കിടെയാണ് കൊറോണ വൈറസ് വ്യാപിച്ചത്.