ഹൗറ:പശ്ചിമബംഗാളിലെ ഹൗറ ജില്ലയില്‍ തൃണമൂല്‍ കോണ്‍ഗ്രസ് നേതാവ് വെടിയേറ്റു മരിച്ചു. മുഹമ്മദ് മുഹ്‌സിന്‍ ഖാന്‍ എന്നയാളാണ് വെടിയേറ്റു മരിച്ചത്.പാര്‍ട്ടിയുടെ ഹൗറയിലെ ബഗ്‌നാന്‍ ബൂത്ത് സെക്രട്ടറിയാണ് മുഹ്‌സിന്‍. കഴിഞ്ഞ ദിവസം രാത്രി വീട്ടിലേക്ക് മടങ്ങവേയാണ് അക്രമികള്‍ ഖാനെതിരേ നിറയൊഴിച്ചത്. ഇദ്ദേഹത്തിന്റെ ഭാര്യ ഗ്രാമപഞ്ചായത്ത് അംഗം കൂടിയാണ്.
സംഭവത്തില്‍ പ്രതിഷേധിച്ച് പാര്‍ട്ടിപ്രവര്‍ത്തകര്‍ ഹാത്തൂരിയ ഗ്രാമത്തില്‍ ദേശീയപാത ആറ് ഉപരോധിച്ചു.വെടിവയ്പുമായി ബന്ധപ്പെട്ട് മൂന്നുപേരെ പൊലിസ് കസ്റ്റഡിയില്‍ എടുത്തിട്ടുണ്ട്.