മംഗളൂരു: വിദ്യാര്‍ഥിനിയെ പീഡിപ്പിക്കാന്‍ ശ്രമിച്ചുവെന്നാരോപിച്ച് അധ്യാപകനെ നാട്ടുകാര്‍ കൈകാര്യം ചെയ്തു. മംഗളൂരുവിലെ ഒരു വിദ്യാഭ്യാസ സ്ഥാപനത്തിലെ വിദ്യാര്‍ഥിനിയെ പീഡിപ്പിക്കാന്‍ സ്‌കൂളിലെ അധ്യാപകന്‍ ശ്രമിച്ചുവെന്നാണ് പരാതി. വിദ്യാര്‍ഥിനിയുടെ രക്ഷിതാക്കളില്‍ നിന്നു വിവരമറിഞ്ഞ നാട്ടുകാര്‍ ഒന്നിച്ചു സ്‌കൂളിലെത്തുകയും അധ്യാപകനെ കൈകാര്യം ചെയ്യുകയുമായിരുന്നു. തുടര്‍ന്ന് ഇയാള്‍ക്കെതിരേ പൊലിസില്‍ പരാതി നല്‍കി.