ചെന്നൈ: റിലീസിനു പിന്നാലെ രജനീകാന്തിന്റെ തമിഴ്ചിത്രം 'കാല' ഇന്റര്‍നെറ്റില്‍. തമിഴ്‌റോക്കേഴ്‌സിന്റെ വെബ്‌സൈറ്റിലാണ് ചിത്രത്തിന്റെ പതിപ്പ് പ്രത്യക്ഷപ്പെട്ടത്. പുലര്‍ച്ചെ 5.28നാണ് ചിത്രം സൈറ്റില്‍ പ്രത്യക്ഷപ്പെട്ടത്. റെഡ് ഐ എന്ന അഡ്മിനാണ് ചിത്രം അപ്‌ലോഡ് ചെയ്തിരിക്കുന്നത്.


റിലീസിങ്ങിനു മുമ്പ് ഏറെ വിവാദങ്ങളില്‍ പെട്ട ചിത്രമാണ് കാല. കാവേരി പ്രശ്‌നത്തില്‍ രജനീകാന്ത് തമിഴ്‌നാട് അനുകൂല നിലപാട് സ്വീകരിച്ചതില്‍ പ്രതിഷേധിച്ച് ചിത്രത്തിന്റെ റിലീസിങ് അനുവദിക്കില്ലെന്നാണ് കര്‍ണാടകയുടെ നിലപാട്. എന്നാല്‍ ചിത്രത്തിന്റെ റിലീസിങ് തടയനാകില്ലെന്ന് സുപ്രിംകോടതി ഇന്നലെ വ്യക്തമാക്കിയിരുന്നു. അതേസമയം, രജനീകാന്ത് മാപ്പു പറഞ്ഞാലും ചിത്രം പ്രദര്‍ശിപ്പിക്കില്ലെന്ന് സര്‍ക്കാരും പറയുന്നു.