ആലപ്പുഴ : ജീവകാരുണ്യപ്രവര്‍ത്തനം വിലമതിക്കാനാവാത്ത സേവനമാണെന്നും അത് നിശ്ചലമാകുമ്പോള്‍ നഷ്ടമാകുന്നത് മനുഷ്യത്വവും സഹജീവി സ്‌നേഹവുമാണെന്ന് ആലപ്പുഴ ഡെപ്യൂട്ടി പോലീസ് സൂപ്രണ്ട് എം.ഇ ഷാജഹാന്‍ പറഞ്ഞു.
അല്‍ഇഹ്‌സാന്‍ ചാരിറ്റബിള്‍ ട്രസ്റ്റ് സംഘടിപ്പിച്ച നിര്‍ദ്ധനര്‍ക്കുള്ള പുതുവസ്ത്ര വിതരണോദ്ഘാടനം നിര്‍വ്വഹിച്ച്  സംസാരിക്കുകയായിരുന്നു അദ്ധേഹം. പ്രസിഡന്റ് എം.മുസ്തഫ അധ്യക്ഷത വഹിച്ചു.
സമസ്ത കേരള ജംഇയ്യത്തുല്‍ ഉലമ ജില്ലാ പ്രസിഡന്റ് സി.മുഹമ്മദ് അല്‍ഖാസിമി വിതരണം നടത്തി. പാലസ് മസ്ജിദ് ഇമാം എം.എം ഹനീഫ് മൗലവി സന്ദേശം നല്‍കി.ട്രസ്റ്റ് ജനറല്‍സെക്രട്ടറി എ.എം മുഈനുദ്ദീന്‍ മുസ്‌ലിയാര്‍, സെക്രട്ടറി എ.എം.എം ശാഫി റഹ്മത്തുല്ലാഹ്, ഹാജി എം മുബാറക്, ഷാജി കോയ, എന്‍.എം ട്രസ്റ്റ് ജനറല്‍ കണ്‍വീനര്‍ അബ്ദുല്‍ റശീദ്, എം.എസ്.എസ് ജില്ലാ ട്രഷറര്‍ മുഹമ്മദ്, അബ്ദുന്നാസ്വിര്‍ ഹാജി എന്നിവര്‍ സംസാരിച്ചു.